- ટીમ ઈન્ડિયા હોકી વર્લ્ડકપમાંથી બહાર
- ન્યુઝીલેન્ડ પેનલ્ટીશુટ આઉટમાં 5-4થી જીત મેળવી
- ટીમ ઇન્ડિયાના ફેન્સમાં સાંપડી નિરાશા
ભારતનો હોકી વર્લ્ડ કપમાં પહેલા ક્રોસઓવર મેચમાં ન્યુઝીલેન્ડ સામે ટક્કર થઈ હતી. જેમાં ક્વાર્ટર ફાઇનલમાં પહોંચવા માટે ભારતે કોઈપણ કાળે મેચ જીતવી જરૂરી હતી. પરંતુ આ આ દરમિયાન ટીમ ઇન્ડિયાને મોટો ઝટકો પડ્યો છે અને ઇન્ડિયા ટીમ વર્લ્ડકપની રેશ માંથી બહાર થઇ ગયું છે. ન્યુઝીલેન્ડએ પેનલ્ટીશુટ આઉટમાં 5-4થી જીત હાંસલ કરી લીધી છે. જેને લઈને ભારતીય હોકી ટીંમના ફેન્સમાં નિરાશાના વાદળો છવાયા છે.
ઉલ્લેખનિય છે કે હોકી વર્લ્ડ કપ ટુર્નામેન્ટમાં ભારતે ગ્રુપ મેચમાં સ્પેન સામે 2-0થી જીત મેળવીને પોતાના શરૂઆત કરી હતી ત્યારબાદ બીજી મેચ ઇંગ્લેન્ડ સાથે ડ્રો રહી હતી. જ્યારે છેલ્લી મેચમાં વેલ્સનો 4-2થી પરાજય થયો હતો. આમ ભારતે પૂલ ડીમાં સાત પોઈન્ટ, ઈંગ્લેન્ડની બરાબરી પર રહ્યું હતું. જો કે ગોલ એવરેજમા પાછળ ધકેલાઈ તે બીજા સ્થાન પકર રહ્યું હતું.
પ્રથમ, બીજા અને ત્રીજા ક્વાર્ટરમાં ભારતે લીડ મેળવી
પહેલા ક્વાર્ટરમાં ભારત અને ન્યૂઝીલેન્ડની ટીમ સંભાળીને રમી રહી હતી. પરંતુ મોકો મળતા ભારતીય ટીમે કેટલાક એટેક કર્યા હતા. આ પ્રથમ ક્વાર્ટરમાં ભારત અને ન્યૂઝીલેન્ડના એક-એક પ્લેયરને ગ્રીન કાર્ડ રેફરી દ્વારા બતાવવામાં આવ્યું હતું. જેમાં ન્યૂઝીલેન્ડના કેપ્ટન અને ભારતના પ્લેયર મનપ્રીત સિંહને ગ્રીન કાર્ડ દેખાડવામાં આવ્યું હતું. પ્રથમ ક્વાર્ટરમાં ભારતને પેનલ્ટી કોર્નર મળ્યો હતો પણ ભારતની ટીમ ગોલ કરી શકી ન હતી. જ્યારે બીજા ક્વાર્ટરમાં ભારતે એક ગોલ કરી લીડ મેળવી હતી. ન્યૂઝીલેન્ડ વિરુદ્ધ લલિત કુમાર ઉપાધ્યાયે પ્રથમ ગોલ કર્યો હતો. ત્યારબાદ ભારતે પેનલ્ટી કોર્નર દ્વારા બીજો ગોલ કર્યો હતો. જેના જવાબમાં ન્યૂઝીલેન્ડની ટીમના સૈમ લેને પ્રથમ ગોલ કર્યો હતો. ત્રીજા ક્વાર્ટરમાં ભારતને ઉપરાઉપરી બે પેનલ્ટી કોર્નર મળ્યા હતા. જેમાં વરૂણ કુમારે ગોલ કરીને ટીમની લીડ 3-1 કરાવી દીધી હતી. આ સાથે જ મેચમાં બની રહેવા માટે ન્યૂઝીલેન્ડે ત્રીજા ક્વાર્ટરમાં પોતાનો બીજો ગોલ કર્યો હતો. ચોથા ક્વાર્ટરમાં ન્યૂઝીલેન્ડે એક બાદ એક એટેક કર્યા હતા. ન્યૂઝીલેન્ડની ટીમના પ્લેયર સીને ગોલ કરી ટીમની વાપસી કરાવી લીધી અને ગેમને રસાકસી ભરી કરી દિધી હતી.
