- સૂર્યને સર્વોચ્ચ માનવામાં આવે છે
- એક વર્ષ પછી સૂર્ય વૃષભ રાશિમાં ગોચર કરશે
- તમામ રાશિના જાતકો પર અસર થશે
તમામ ગ્રહોમાં સૂર્યને સર્વોચ્ચ માનવામાં આવે છે. નવ ગ્રહોના રાજા સૂર્ય ટૂંક સમયમાં રાશિ પરિવર્તન કરવા જઈ રહ્યા છે. સૂર્ય દેવતા આવતીકાલે 15 મેના રોજ બપોરે 11:32 વાગ્યે વૃષભ રાશિમાં ગોચર કરશે. જ્યોતિષ શાસ્ત્ર અનુસાર એક વર્ષ પછી વૃષભ રાશિમાં ગોચર થઈ રહ્યું છે.
જ્યોતિષ શાસ્ત્રમાં સૂર્યને આત્મા, પિતા અને રાજનીતિના કારક માનવામાં આવે છે. કુંડળીમાં સૂર્ય મજબૂત સ્થિતિમાં હોય તો વ્યક્તિને જીવનમાં માન અને સમ્માન પ્રાપ્ત થાય છે. જ્યોતિષ શાસ્ત્ર અનુસાર મેષ રાશિમાં સૂર્યને ઉચ્ચ અને તુલા રાશિમાં નિમ્ન માનવામાં આવે છે.
આ રાશિના જાતકો પર સકારાત્મક અસર
સૂર્યના રાશિ પરિવર્તનથી તમામ રાશિના જાતકો પર અસર થશે. કેટલીક રાશિના જાતકો પર નકારાત્મક અને કેટલીક રાશિના જાતકો પર સકારાત્મક અસર થશે. સૂર્યનું ગોચર કર્ક, સિંહ, કન્યા, મકર, કુંભ, મીન રાશિના જાતકો માટે શુભ સાબિત થશે. આ રાશિના જાતકો માટે નોકરીનો યોગ બની રહ્યો છે. સમાજમાં માન સમ્માન પ્રાપ્ત થશે. નવા કામની શરૂઆત કરવા માંગો છો, તો આ સમય ખૂબ જ સારો છે.
આ રાશિના જાતકોએ રહેવું સાવધાન
સૂર્યનું ગોચર મેષ, વૃષભ, તુલા, વૃશ્વિક રાશિના જાતકોએ સાવધાન રહેવું. આ રાશિના જાતકોનું આરોગ્ય જોખમાઈ શકે છે. જે કામ થઈ રહ્યું હશે, તે કામમાં વિધ્ન આવી શકે છે. ખર્ચાઓ પર નિયંત્રણ રાખવું. મહેનત કરતા સમયે અનેક પડકારોનો સામનો કરવો પડી શકે છે.
(DISCLAIMER: આ લેખમાં ધર્મને લગતી આ માહિતી માત્ર અલગ-અલગ મળતી માહિતીને આધારિત છે. નહીં કે, તમે તેને સત્ય જ માની લો. કારણ કે ધર્મ એ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. કોઈપણ પ્રકારની મુશ્કેલી સર્જાશે તો તે માટે VTV ગુજરાતી જવાબદાર નહીં રહે. આ લેખ માત્ર ન્યૂઝના હેતુસર પબ્લિશ કરવામાં આવ્યો છે.)
