લાલબત્તી / બાપ રે! સુરતમાં રમતા-રમતા ટાંકણી ગળી ગયો કિશોર, પછી બન્યું ચિંતાજનક, માતા પિતા રહે સજાગ

માતાપિતાની નાની-નાની બેદરકારીના કારણે નાના બાળકો ટાંકણી, સિક્કા જેવી વસ્તુ ગળી જતા હોય છે, જે મોટી મુશ્કેલીઓ ઉભી કરતા હોય છે. ત્યારે તાજેતરમાં આવો જ એક કિસ્સો સામે આવ્યો છે. જે દરેક માતા-પિતા માટે લાલબત્તી સમાન છે. ઘટનાની વાત કરીએ તો સુરતના લિંબાયત વિસ્તારમાં 15 વર્ષનો કિશોર ટાંકણી ગળી જતા તાત્કાલિક હોસ્પિટલમાં દાખલ કરાયો છે.

કિશોર રમતા-રમતા ટાંકણી ગળી ગયો

વિગતે વાત કરીએ તો સુરતના લિંબાયત વિસ્તારમાં 15 વર્ષનો કિશોર રમતા-રમતા લોખંડની ટાંકણી ગળી ગયો હતો. જેની જાણ માતા-પિતાને થતાં તેમના પગ નીચેથી રીતસરની જમીન સરકી ગઈ હતી. કિશોરને ટાંકણીની તકલીફ થતાં તેને તાત્કાલિક ધોરણે હોસ્પિટલમાં દાખલ કરવામા આવ્યો હતો. જે કિશોરની અત્યારે સારવાર ચાલી રહી છે.

આ પણ વાંચો: અમેરિકા થી અમદાવાદ આવતા દબોચાયો ભાગેડું વીરેન્દ્ર પટેલ, 77 કરોડ ઠગ્યા હતા, બે દાયકાથી હતો વોન્ટેડ

આ કિસ્સા પરથી શીખ લઈ ચેતો..

નાની નાની બેદરકારી ક્યારેક મોટું સ્વરૂપ ધારણ કરી શકે છે. ત્યારે આ કિસ્સા પરથી દરેક માતા-પિતાને શીખ લેવી જોઈ કે, ટાંકણી, સિક્કા કે, અન્ય વસ્તુ જે બાળક મોઢામાં નાંખી શકે તેવી વસ્તુ બાળકથી દૂર રાખવી જોઈએ. બાળકને એવા જ રમકડા રમાવા આપવા જોઈએ કે, જેને બાળક મોઢામાં ન નાંખી શકે અથવા તો ન ગળી શકે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ