કાર્યવાહી / અમેરિકા થી અમદાવાદ આવતા દબોચાયો ભાગેડું વીરેન્દ્ર પટેલ, 77 કરોડ ઠગ્યા હતા, બે દાયકાથી હતો વોન્ટેડ

કહેવાય છે કે, 'કાનૂન કે હાથ લંબે હોતે હૈ' આ વાતને સાર્થક કરતી ઘટના સામે આવી છે. બે દાયકાથી વોન્ટેડ આરોપી પકડાયો છે. CBI ભાગેડુ ઠગ બેંકર વિરેન્દ્ર પટેલની ધરપકડ કરી વધુ કાર્યવાહી હાથ ધરી છે. જેણે 77 કરોડની છેતરપિંડી કરી હતી અને જે બાદ તે ફરાર થયો હતો.

ભાગેડુ ઠગ બેંકર વિરેન્દ્ર પટેલની ધરપકડ

છેલ્લા 20 વર્ષથી ફરાર આરોપી અંતે પોલીસ પકડમાં આવી ગયો છે. ભાગેડું ઠગ બેંકર વીરેન્દ્ર પટેલની સીબીઆઈએ ધરપકડ કરી છે. વિદેશથી પરત આવતા આરોપીને અમદાવાદ એરપોર્ટ પરથી પકડી લેવાયો છે. આરોપી વીરેન્દ્ર પટેલ આણંદમાં ચરોતર નાગરિક સહકારી બેંકમાં ડિરેક્ટર હતો. આરોપીએ બેંકમાં 77 કરોડની નાણાકીય છેતરપિંડી કરી હતી.

આ પણ વાંચો: આજે સવારે 11 કલાકે બે મિનિટ માટે આખું ગુજરાત રહેશે મૌન, કારણ શ્રદ્ધા-સન્માનભર્યું

2004થી જારી થઈ હતી રેડકોર્નર નોટિસ

વર્ષ 2002માં વીરેન્દ્ર પટેલ સામે આણંદ ટાઉન પોલીસ સ્ટેશનમાં ફરિયાદ નોંધાઈ હતી. બનાવટી દસ્તાવેજો અને છેતરપિંડી સહિતની કલમ હેઠળ પોલીસે ગુનો નોંધ્યો હતો. સીબીઆઈએ વર્ષ 2004માં આરોપી વીરેન્દ્ર પટેલ વિરુદ્ધ રેડ કોર્નર નોટિસ પણ જાહેર કરી હતી. ઈન્ટરપોલની વિવિધ ચેનલના માધ્યમથી આરોપીની કડી મળતા અંતે પોલીસે આરોપીને દબોચી લીધો છે..

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ