દર્દનાક / VIDEO : સુરતમાં ગર્લફ્રેન્ડ સાથે હોટલમાં ગયેલા યુવકનું રિસેપ્શન કાઉન્ટર પર મોત, આઈકાર્ડ આપતાં જ ઢળી પડ્યો

સુરતના ડિંડોલીના RJD પ્લાઝામાં આવેલી હોટેલમાં મહિલા મિત્ર સાથે ગયેલા એક યુવાનનું રિસેપ્શન કાઉન્ટર પર જ ઢળી પડતા મોત થયું હતું. આ આખી ઘટના સીસીટીવીમાં ઝડપાઈ હતી. હાર્ટએટેકને કારણે યુવકનું મોત થયું હોવાની શક્યતા છે.

યુવક ગર્લફ્રેન્ડને લઈને ગયો હતો

યુવક પોતાની ગર્લફ્રેન્ડને લઈને હોટલમાં આવ્યો હતો પરંતુ રુમ જાય એ પહેલા જ તેનું મોત થયું હતું.

કાઉન્ટર પર કાર્ડિએક અરેસ્ટ

એમ્બ્રોઇડરી કારખાનામાં કામ કરતો 26 વર્ષીય આકાશ પવાર RJD પ્લાઝાની ‘ધ રોયલ પેલેસ’ હોટેલમાં રૂમ બુક કરાવા ગયો હતો અને કાઉન્ટર જ્યારે આઈડી કાર્ડ આપી રહ્યો હતો ત્યારે અચાનક તે જમીન પર ઢળી પડ્યો હતો. આ જોઈને સ્ટાફમાં અફરાતફરી મચી હતી.

વધુ વાંચો : સ્મૃતિ ઈરાની મહાસચિવ, વસુંધરા રાજે ઉપાધ્યક્ષ, 4 ગુજરાતીઓને સ્થાન, નીતિન નબીનની નવી ટીમ જાહેર

હાર્ટ એટેક અથવા બ્રેઈન સ્ટ્રોકની આશંકા

યુવક બેહોશ થઈને નીચે પડતાં જ હોટેલ સ્ટાફ અને આસપાસના લોકો તાત્કાલિક તેની મદદ માટે દોડી આવ્યા હતા. જોકે તે સમય સુધીમાં તે મરી ચૂક્યો હતો. યુવકનું મોત સાયલન્ટ હાર્ટ એટેક અથવા બ્રેઈન સ્ટ્રોક જેવા તબીબી કારણોસર થયું હોવાની પ્રબળ આશંકા વ્યક્ત કરવામાં આવી રહી છે, પરંતુ મોતનું ચોક્કસ કારણ પોસ્ટમોર્ટમ રિપોર્ટ આવ્યા બાદ જ સ્પષ્ટ થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ