કોર્ટમાં અનોખો દાખલો / 'ખજૂરાહોની કલાકારી તો જુઓ', સજાતિય લગ્નના પક્ષમાં સુપ્રીમમાં જોરદાર દલીલ, ન્યૂડ મૂર્તિઓનું ઉદાહરણ

• સજાતિય લગ્ન પર સુપ્રીમમાં સુનાવણી શરુ
• સરકાર સજાતિય લગ્નના વિરોધમાં
• સજાતિય લગ્ન સુપ્રીમમાં કરાઈ છે 20 અરજીઓ

સુપ્રીમ કોર્ટે બુધવારે સમલૈંગિક લગ્નને કાનૂની માન્યતા આપવાની માંગ સાથે સુનાવણી ફરી શરૂ કરી છે. ચીફ જસ્ટિસ ડીવાય ચંદ્રચૂડની અધ્યક્ષતાવાળી બેંચ આ મામલે 20 અરજીઓ પર સુનાવણી કરી રહી છે. સુનાવણી દરમિયાન પક્ષ અને વિપક્ષ બન્નેએ ઘણી દલીલો કરી હતી. સરકાર આવા લગ્નોનો વિરોધ કરે છે. અરજદારો તરફથી હાજર રહેલા એડવોકેટ મુકુલ રોહતગીએ કહ્યું હતું કે બંધારણ પણ કહે છે કે દરેકને સમાનતાનો અધિકાર છે. આવી સ્થિતિમાં, દરેકને પ્રેમને લગ્નમાં રૂપાંતરિત કરવાનો અધિકાર મળવો જોઈએ.

#UPDATE | Hearing in the Supreme Court in the same-sex marriage matter concludes for the day, hearing to continue tomorrow.

— ANI (@ANI) April 19, 2023

સજાતિય લગ્નના પક્ષકારોની દલીલ 
સજાતિય લગ્નના પક્ષકારોએ તેમના વકીલ મારફતે એવી રજૂઆત કરી કે જન્મ ફક્ત પુરુષ અને સ્ત્રીના જોડાણથી જ થઈ શકે છે. એ કુદરતનો નિયમ છે. તેઓ કહે છે કે સમલૈંગિકો સામાન્ય નથી હોતા. પરંતુ શું તે સામાન્ય છે કે બહુમતી છે? કાયદો આવું કહેતો નથી, તે માત્ર એક વિચાર છે. તેમણે કહ્યું કે આવી વિચારસરણીનો જન્મ 18મી સદીમાં થયો હતો, પરંતુ જો તમે ભારતીય ગ્રંથો અને કૃતિઓ પર નજર નાખો તો સેંકડો વર્ષો પહેલા દિવાલો પર સમલૈંગિકતાને દર્શાવતા ચિત્રો હતા. આનો અર્થ એ છે કે આપણી પરંપરામાં આપણી વિચારસરણી ઘણી આગળ હતી.

ખજુરાહોની કળાનું ઉદાહરણ અપાયું 

ખજુરાહોની કળાનું ઉદાહરણ આપતાં રોહતગીએ કહ્યું હતું કે આ લોકપ્રિય નૈતિકતા અને બંધારણીય નૈતિકતા વચ્ચેનો તફાવત છે. જો કોર્ટ કોઈ વાતને યોગ્ય ઠેરવે તો બંધારણીય નૈતિકતા એક આદત બની જશે. જસ્ટીસ એસ રવિન્દર ભટ્ટે રોહતગીને કહ્યું, "તમે દલીલમાં પુરુષો અને સ્ત્રીઓ વચ્ચેના તફાવત વિશે વાત કરી રહ્યા છો અને એક દલીલમાં લિંગને તટસ્થ બનાવી રહ્યા છો. આખરે, તમારે શું જોઈએ છે? શું તમે એવી વસ્તુઓ રાખો છો જે તમને અનુકૂળ છે?

અભિષેક મનુ સિંઘવીએ પણ કરી સજાતિય લગ્નની તરફેણ 
રોહતગી બાદ અભિષેક મનુ સિંઘવીએ અરજદારો વતી દલીલો શરૂ કરી હતી. "અહીં મુદ્દો પસંદ કરવાનો અધિકાર છે. વૈવાહિક સંબંધોમાંથી માર્ગ પસાર થાય છે. ઓળખની પરવા કર્યા વિના પ્રેમને લગ્નમાં ફેરવવાની માંગ છે. "જો સમલૈંગિક લગ્નને માન્યતા આપવામાં આવે છે, તો તે એક મોટી જીત હશે.

શું છે ખજૂહારો
મધ્યપ્રદેશમાં ખજૂરાહોનું વર્લ્ડ ફેમસ મંદિર આવેલું છે. આ મંદિરની ચારે બાજુની બહારની દિવાલો પર નગ્ન મૂર્તિઓ અને સંભોગમાં રત કપલનો આકૃતિઓ અને મૂર્તિઓ કોતરવામાં આવેલી છે. તેની પર સજાતિય સંબંધો બાંધી રહેલા કપલના ચિત્રો પણ છે.