દુર્ઘટના / ભાવનગરમાં સુમીટોમો કંપનીમાં ભીષણ બ્લાસ્ટ થતા અફરાતફરી: કંપનીમાં 100થી વધુ કર્મચારીઓ હતા હાજર, જુઓ પછી શું થયું

• ભાવનગરમાં રૂવાપરી નજીક એક્સલ કંપનીમાં બ્લાસ્ટ
• બ્લાસ્ટ થતા સમયે કંપનીમાં હાજર હતા 100થી વધુ કર્મચારી
• ઈજાગ્રસ્તોને સારવાર અર્થે સિવિલ હોસ્પિટલ ખસેડાયા

ભાવનગરમાં રૂવાપરી નજીક એક્સલ કંપનીમાં આજે બપોરના સુમારે એકાએક કંપનીના કોઈ યુનિટમાં બ્લાસ્ટ થતા અફરા-તફરીનો માહોલ સર્જાયો હતો. ત્યારે બ્લાસ્ટ થતા સમયે કંપનીમાં 100 થી વધુ કર્મચારીઓ હાજર હતા.  બ્લાસ્ટમાં અનેક કર્મચારીઓને ઈજાઓ પહોંચી હોવાના સમાચાર છે. જ્યારે હાલમાં યુનિટમાંથી કર્મચારીઓને બહાર કાઢવાની કામગીરી ચાલુ છે. ઈજાગ્રસ્તોને સારવાર અર્થે સિવિલ હોસ્પિટલમાં ખસેડાયા છે. 

ફાયર ફાઈટરે ઘટના સ્થળે પહોંચી બચાવ કામગીરી શરૂ કરી
કંપનીમાં બ્લાસ્ટના સમાચાર મળતા જ ફાયર ફાઈટર ઘટના સ્થળે પહોંચી ગયા હતા. અને આગને ઓલવવાની કામગીરી હાથ ધરી હતી. ત્યારે કંપનીમાં ફસાયેલા લોકોને પણ ફાયર ફાઈટર દ્વારા બહાર કાઢવાની કામગીરી તાત્કાલીક ધોરણે શરૂ કરવામાં આવી હતી. હજુ કંપનીમાં કેટલા લોકો ફસાયેલા છે. તે અંગે કોઈ જાણકારી મળી નથી.

ઘાયલોને તાત્કાલીક સારવાર અર્થે હોસ્પિટલ ખસેડવામાં આવ્યા
રૂવાપરી નજીક એક્સલ બનાવતી કંપનીમાં બ્લાસ્ટ થયાના સમાચાર મળતા જ ફાયર ફાઈટર સહિત એમ્બ્યુલન્સ ઘટના સ્થળે પહોંચી બચાવ કામગીરી શરૂ કરી હતી. ત્યારે ઘાયલ થયેલ લોકોને તાત્કાલીક સારવાર અર્થે હોસ્પિટલ ખસેડવામાં આવ્યા હતા. જ્યારે હજુ બચાવ કામગીરી હાલમાં ચાલુ છે.