રાજ્યસભામાં દિલ્હી સર્વિસ બિલને લઈને ભાજપનાં સુધાંશુ ત્રિવેદીએ AAP પર શાયરાના અંદાજમાં નિશાન સાધ્યું હતું. સાંભળીને ગૃહમંત્રી અમિત શાહ પણ હસી પડ્યાં. જુઓ વીડિયો.
Share
રાજ્યસભામાં દિલ્હી સર્વિસ બિલને લઈને થઈ ચર્ચા
ભાજપનાં સુધાંશુ ત્રિવેદીએ AAP પર કર્યાં પ્રહાર
શાયરાના અંદાજમાં કોંગ્રેસ-AAPની મિત્રતા પર કર્યો કટાક્ષ
લોકસભામાં પાસ થયાં બાદ દિલ્હી સર્વિસ બિલ હવે રાજ્યસભામાં રજૂ કરવામાં આવ્યું છે. સોમવારે સદનમાં આ મુદે ચર્ચાનો માહોલ જામ્યો હતો. કોંગ્રેસનાં અભિષેક મનુ સિંઘવીએ આ બિલને સરકાર વિરોધી જણાવ્યું અને ગૃહમંત્રી અમિત શાહને કટાક્ષમાં સુપરબોસ કહ્યું. જો કે તેમના બાદ ભાજપનાં સુધાંશુ ત્રિવેદીએ શાયરાના અંદાજમાં વિપક્ષ પર વળતો પ્રહાર કર્યો હતો.
AAP અને કોંગ્રેસની મિત્રતા પર કટાક્ષ
સુધાંશુ ત્રિવેદીએ સદનમાં કોંગ્રેસ અને આમ આદમી પાર્ટીની મિત્રતા પર કહ્યું કે," આજે દેશની સૌથી જૂની કોંગ્રેસ પાર્ટી અને નવી આમ આદમી પાર્ટી સાથે મળી ગઈ છે. તેમને (AAP)ને લાગતું હતું કે તેઓ બિલ પર કોંગ્રેસનું સમર્થન મેળવીને આગળ વધી જશે પરંતુ કોંગ્રેસ તો અવિશ્વાસનો પ્રસ્તાવ લાવીને આગળ નિકળી ગઈ છે. કોંગ્રેસે તો લીડ લઈ લીધી"
સદનમાં શાયરી બોલી આપ્યો વળતો જવાબ
આ બાદ કટાક્ષ કરતાં સુધાંશુ ત્રિવેદીએ સદનમાં એક પંક્તિ વાંચી કે- ના તુમ આયે, ના તુમ્હારી દીદ હુઈ, તુમ હી બતાઓ યે મોહર્રમ હુઈ કે ઈદ હુઈ એટલે કે( ન તો તમે આવ્યાં કે ન તો તમે દેખાયા, હવે તમે જ કહો કે આ મોહરમ છે કે ઈદ). તેમની આ શાયરી સાંભળીને ગૃહમંત્રી અમિત શાહનાં ચહેરા પર પણ હળવું સ્મિત નજર આવ્યું હતું.
આમ આદમી પાર્ટી પર સાધ્યું નિશાન
ત્રિવેદીએ કહ્યું કે બ્યૂરોક્રેસી પર નિયંત્રણની વાત કરવામાં આવી રહી છે પરંતુ દિલ્હીમાં આમ આદમી પાર્ટીનાં લોકો સરકારી પદો પર બેઠાં છે અને સુવિધાઓનો લાભ ઊઠાવી રહ્યાં છે. તેમણે કહ્યું કે દિલ્હીનો કોઈ સ્ટેટ કાડર નથી. અહીં કેન્દ્રશાસિત પ્રદેશનો કાડર લાગૂ પડે છે. જો આ ઓફિસર્સનું ટ્રાંસફર કોઈ અન્ય સ્થળે કરવાનું હોય અને CMની મંજૂરી ન હોય તો મુશ્કેલી વધી જાય છે. તેવામાં કેન્દ્ર સરકારને આ અધિકાર મળે તે જરૂરી છે.
