જીવન શૈલી / વાળમાં તેલ નાખતા હોય તો બંધ કરી દેજો, હેરાન કરી મૂકશે એક્સપર્ટનું તારણ,પારંપરિક માન્યતા ફગાવી

માથામાં તેલ નાખવું જોઈએ કે નહી, માથામાં તેલ નાખવું હિતાવહ છે કે નહી, વર્ષોથી આપણી મમ્મી માથામાં તેલ નાખવા માટે સતત કહેતી રહે છે. માથામાં તેલ નહીં  નાખે તો, વાળ ખરાબ થઈ જશે! વહેલા  ઉતરી જશે!, ખોડો પડી જશે!. વગેરે વગેરે વાતા કહેતી હતી. પણ હાલનું મેડિકલ સાયન્સ કંઈક અલગ કહે છે. શું કહે છે. આવો જાણીએ.

 
મેડિકલ સાયન્સ, માથામાં તેલ નાખવાની થિયરીને સ્વીકારતું નથી. સાથે જણાવે છે કે,  માથામાં તેલ નાખવું એ ફાયદા કરતા નુકસાનકારક વધારે છે. મેડિકલ સાયન્સના મતે, માથામાં તેલ લગાવવાથી વાળને કોઈ ફાયદો થતો નથી. વાળ એક નિર્જીવ વસ્તુ બની જાય છે, તેના પર તેલ કે ઘી લગાવવાથી ફાયદો થતો નથી. માથામાં તેલ લગાવવાથી વાળાના સુક્ષ્મ છિદ્રો બંધ થઈ જાય છે. જેને ખુલ્લા રાખવા જરૂરી છે.

દિલ્લી, નોયડા ખાતે આવેલી જાણીતી યથાર્થ સુપર સ્પેશિયાલિટી હોસ્પિટલના ડર્મેટોલોજી વિભાગના સલાહકાર ડો.શિખા જણાવે છે કે, માનવ શરીર સંપૂર્ણ છે. માથાના ભાગમાં કુદરતી રીતે તેલની ફેક્ટરી છે. ડો શિખા તો, ત્યાં સુધી કહે છે કે, ચહેરા કરતાં માથા પર વધુ તેલ હોય છે. જો કે જેમના વાળ લાંબા હોય છે તેમના આખા વાળ સુધી તેલ પહોંચતું નથી. આ માટે જે છોકરીઓ ઈચ્છે તો વાળમાં કન્ડિશનર લગાવી શકે છે.  

વાંચવા જેવું : આ કામ કરવાનુ બંધ કરશો તો વાળ ઝડપથી સફેદ નહી થાય

વધુમાં ડો.શિખા જણાવે છે કે માથામાં બ્લડ સર્ક્યુલેશન માટે તેલ માલિશ કરો તે ચાલે. પણ તેલ લગાવ્યા પછીના અડધા કલાકમાં માથું ધોઈ લેવું જોઈએ. પણ મોટાભાગના લોકો લાંબા સમય સુધી વાળમાં તેલ લગાવી રાખે છે. જેનો કોઈ  ફાયદો થતો નથી, ઉલટાનું વાળને નુકસાન થાય છે. વાળ મરી જાય છે. પછી તમે તેના પર તેલ, કન્ડિશનર કે સીરમ લગાવો કોઈ ફરક નહીં પડે. 

માથામાં તેલ નાખવાથી ડેન્ડ્રફમાં વધારો થાય છે.

ડો. શિખા જણાવે છે કે, માથામા નાખેલું તેલ ફૂગને વિકસવામાં મદદ અને ઉત્તેજિત કરે છે.  માથામાં થતો  ડેન્ડ્રફ એ જ ફંગસનો એક ભાગ છે જે આપણ નરી આંખે દેખી શકતા નથી. ડેન્ડ્રફએ માથાના ભાગની ડેડ સ્કીન છે. જો તમે માઇક્રોસ્કોપમાં જોશો તો તમને આ ફંગસ  દેખાશે. તેલ લગાવવાથી ડેન્ડ્રફ દૂર થાય છે એ માન્યતા ખોટી છે. ઊલટુંનું તેલ નાખવાથી ડેન્ડ્રફ વધે છે.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો