આપણે આજે યુવાનીમાં પણ સફેદ વાળની સમસ્યાનો સામનો કરી રહ્યા છીએ, તેનું કારણ શું છે તે જાણો છો? આજે મોટાંઓ તો ઠીક, પરંતુ નાનું બાળક પણ સ્ટ્રેસફુલ લાઇફ જીવી રહ્યા છે. આ જ છે સફેદ વાળની સમસ્યાનું મુખ્ય કારણ. જો નાની ઉંમરમાં જ તમારા વાળ સફેદ થઇ ગયા છે તો તેનો અર્થ એ છે કે તમે ખૂબ જ સ્ટ્રેસફુલ લાઇફ જીવી રહ્યા છો.
વાળ સફેદ ન થાય તે માટેની ટ્રીક
સ્ટ્રેસ લેવાથી વાળ થઇ જાય છે સફેદ
હોર્મોન કાર્ટિઝોલ લેવલમાં વધારો પણ ખતરનાક
તાજેતરમાં નેચર જર્નલમાં પ્રકાશિત એક અહેવાલમાં જણાવાયું હતું કે સફેદ વાળ એ સ્ટ્રેસફુલ લાઇફનું પહેલું લક્ષણ છે. સ્ટ્રેસ હેર ફોલિકલ અને રિ-જનરેટિંગ સ્ટેમ સેલ્સને ડેમેજ કરી નાખે છે. સ્ટ્રેસથી તમારા શરીરના હોર્મોન કાર્ટિઝોલ લેવલમાં વધારો થતાં વાળની કોશિકાઓને પારાવાર નુકસાન થાય છે.
સ્ટ્રેસ ઉપરાંત આ પણ છે કારણો
નાની ઉંમરમાં વાળ સફેદ થઇ જવાનું મુખ્ય કારણ સ્ટ્રેસ હોવાનું અભ્યાસમાં સાબિત થઇ ચૂક્યું છે, આ ઉપરાંત હોર્મોનલ ઇમ્બેલેન્સ, ઇટિંગ હેબિટ, લાઇફસ્ટાઇલ, હેર કેરની ખોટી મેથડ, કાળજીનો અભાવ, વારસાગત સમસ્યા જેવાં કારણો હોઇ શકે છે. વિટામિન બી-12, વિટામિન ડી-3, આયર્ન, કોપર અને પ્રોટીનની ઊણપ, પ્રીમેચ્યોર્ડ હેર ગ્રોઇંગનાં કારણો છે, તેમાં તાણ અને ચિંતા વધવાની શરૂઆત થાય એટલે વાળ સફેદ થવામાં કંઇ બાકી રહેતું નથી.
આ છે ખોટી માન્યતાઓ
• આપણે ઘણીવાર એમ કહીએ છીએ કે આજની જનરેશન માથામાં તેલ લગાવતી નથી એટલે વાળ ધોળા થઇ જાય છે, પરંતુ તેલ લગાવવાને અને વાળ ધોળા થવાને કોઇ જ લેવાદેવા નથી. આ માત્ર એક માન્યતા છે. તેલ નાખવાથી વાળને પોષણ મળે છે, પરંતુ તે ન નાખવાથી વાળ ધોળા થઇ જાય તેવું હોતું નથી.
• વાળની પ્રોપર કેર ન લેવાથી તેની ક્વોલિટી બગડી શકે છે. વાળની માવજતમાં બેદરકાર રહો તો વાળ પાતળા કે રુક્ષ થઇ જાય તે વાત સાચી, પરંતુ તેનાથી વાળ સફેદ ન થાય.
•હેર કલર કર્યા બાદ મેન્ટેન ન કરો તો કલર ઊડી જાય અને વાળને નુકસાન પહોંચે. શેમ્પુ અને કિન્ડશનરની ગુણવત્તા પર ધ્યાન ન રાખવાથી વાળ સફેદ થવાની પ્રક્રિયા ઝડપી બને છે.