અમદાવાદ / ચાના કપના QR કોડ સ્કેન કરતા સટ્ટા માટેની એપ્લિકેશન ખુલી, વિવાદ વકરતા ટી પોસ્ટના માલિકે કરી ચોખવટ

• અમદાવાદમાં ટી પોસ્ટના માલિક દર્શન ઠક્કરનું નિવેદન
• 'વિવાદને લઈ તમામ ટી પોસ્ટ પરથી કપ હટાવી દેવાયા'
• 'QR કોર્ડએ એક વેબસાઈટ પર જવાન માધ્યમ છે'

અમદાવાદમાં ટી પોસ્ટ ચાના કપના QR કોડ સ્કેન કરતા સટ્ટા માટેની એપ્લિકેશન ખુલી રહી છે. આ બાબતે વિવાદ થતાં ટી પોસ્ટે M G લાયનના કપ હટાવી દીધા છે. સાથે જ કહ્યું છે કે M G લાયન એપ્લિકેશન પર પ્રતિબંધ હોય તો સરકારે બંધ કરી દેવી જોઇએ.જો કે હજુ સુધી કોઇ ફરિયાદ ન મળ્યાનું ટી પોસ્ટના માલિક દર્શન ઠકકરે જણાવ્યું હતું.

ટી પોસ્ટના માલિક દર્શન ઠકકરનું નિવેદન
ટી પોસ્ટના માલિક દર્શન ઠકકરે કહ્યું કે, ખરેખર જો એપ્લિકેશન બેન્ડ હોય કે, કંઈ પણ હોય તો સરકાર તેને બેન્ડ કરી શકે છે. તેમણે કહ્યું કે, સરકાર ઘણી બધી એપ્લિકેશનો બંધ કરે છે અને જો આ પણ અ લિગલ હોય તો બંધ કરી શકે છે. તેમણે કહ્યું કે, આ વિવાદથી દૂર રહેવા માટે મારે ત્યાં કપ હતા તેને હટાવી દીધા તેમણે કહ્યું કે, મને ખબર પડી કે, આ કપના કારણે વિવાદ થાય જેવું છે એટલે મેં તરત જ હટાવી દીધા હતાં. 

'QR કોર્ડએ એક વેબસાઈટ પર જવાન માધ્યમ છે'
દર્શન ઠકકરે જણાવ્યું કે, મારી જવાબદારી એટલી છે કે, એ કપ પર અશ્લીલતા ન હોવી જોઈએ કે, પછી કપ પર એવી વસ્તુ ન હોવી જોઈએ જેનાથી લોકો સુધી ખોટો મેસેજ જાય. તેમણે કહ્યું કે, જેવો વિવાદ થયો એટલે મેં તરત જ કપ હટાવી દીધા છે. વધુમાં તેમણે કહ્યું કે, QR કોર્ડએ એક વેબસાઈટ પર જવાન માધ્યમ છે અને જેના માધ્યમથી જુગાર રમાય છે કે, શું એ અમે પણ ચેક કર્યું હોતું નથી.