- KKR એ રોયલ ચેલેન્જર્સ બેંગ્લોર સામે 81 રનથી જોરદાર જીત નોંધાવી
- જીત બાદ ટીમના કો-ઓનર શાહરૂખ ખાન પોતાના એક ખાસ ચાહકને મળ્યો
- હાલ તેનો વિડીયો સોશિયલ મીડિયા પર વાયરલ થઈ રહ્યો છે
IPL 2023માં કોલકાતા નાઈટ રાઈડર્સ (KKR) માટે ગુરુવાર ખાસ દિવસ હતો. જણાવી દઈએ કે KKRની ટીમ પહેલી વખત રમવા માટે તેના ઘરે પહોંચી હતી અને ત્યાં તેને રોયલ ચેલેન્જર્સ બેંગ્લોર સામે 81 રનથી જોરદાર જીત નોંધાવી હતી. જો કે મેચમાં એક સમયે KKRની ટીમ મુશ્કેલીમાં મુકાઈ હતી. એ સમયે ટીમે 89 રનમાં 5 વિકેટ ગુમાવી દીધી હતી પણ એ બાદ શાર્દુલ ઠાકુર અને રિંકુ સિંહે પોતાની ઈનિંગ્સથી મેચ પલટી દીધો હતો.
જણાવી દઈએ કે આ જીત બાદ ટીમના કો-ઓનર શાહરૂખ ખાન પોતાના એક ખાસ ચાહકને મળ્યો હતો, હાલ તેનો વિડીયો સોશિયલ મીડિયા પર વાયરલ થઈ રહ્યો છે. મેચ બાદ કિંગ ખાન જેને મળ્યો હતો એ શાહરૂખ અને KKRનો આ ફેન હર્ષુલ છે. નોંધનીય છે કે તેનો આ ફેન દિવ્યાંગ છે. આ પહેલા વર્ષ 2018માં શાહરૂખ ખાન અને દિનેશ કાર્તિક પણ હર્ષુલને મળ્યા હતા. એવામાં આ વખતે જ્યારે હર્ષુલ ફરી એકવાર તેની ટીમની મેચ જોવા આવ્યો હતો અને આ વખતે પણ શાહરૂખ ખાન તેને મળ્યો હતો.
વાયરલ વીડિયોમાં SRK વ્હીલચેરમાં એક ખાસ દિવ્યાંગ ચાહકને મળતો જોવા મળ્યો હતો. પઠાણની પ્રશંસા કરતી વખતે તેણે તેના સ્મિત સાથે ચાહકનું અભિવાદન કર્યું અને તેને કહ્યું કે ‘મેચમાં આવવા બદલ તમારો આભાર.’ એ બાદ શાહરુખ ખાને તેના કપાળને ચુંબન કર્યું. એ દિવ્યાંગ ચાહક તેને વારંવાર ‘આઈ લવ યુ’ કહે છે. જવાબમાં કિંગ ખાન પણ તેને ‘આઈ લવ યુ’ કહે છે. હાલ આ વિડીયો સોશિયલ મીડિયા પર ઘણો વાયરલ થયો છે અને લોકો શાહરુખ ખાનની ખૂબ પ્રસંશા પણ કરી રહ્યા છે.
