- સ્મૃતિ મંધાના સૌથી મોંઘી મહિલા ક્રિકેટર બની
- બાબર આઝમથી પણ ડબલ થઈ સ્મૃતિની સેલેરી
- WPL માં ત્રણ ખેલાડીઓને 3 કરોડથી વધુ રૂપિયા મળ્યા
વિમેન્સ પ્રીમિયર લીગ માટેનું પહેલું મેગા ઓક્શન સોમવારે પૂર્ણ થયું હતું. જણાવી દઈએ કે આ હરાજીમાં કુલ પાંચ ટીમોએ લગભગ 60 કરોડ રૂપિયા ખર્ચ્યા અને 87 ખેલાડીઓને ખરીદ્યા હતા. જો કે દુનિયામાં હાલ ઘણી ક્રિકેટ લીગ ચાલી રહી છે, જે મહિલાઓ માટે છે. પણ દરેક લોકો મહિલા પ્રીમિયર લીગની રાહ જોઈ રહ્યા હતા કારણ કે ભારતના ક્રિકેટ માર્કેટમાં ભારે પૈસાનો વરસાદ થાય છે અને ગઇકાલના ઓક્શનમાં એમ જ થયું છે.
સ્મૃતિ મંધાના સૌથી મોંઘી મહિલા ક્રિકેટર બની
જણાવી દઈએ કે વિમેન્સ પ્રીમિયર લીગની પ્રથમ હરાજીમાં ખેલાડીઓ પર ઘણા પૈસાનો વરસાદ કરવામાં આવ્યો છે અને ઘણી મહિલા ખેલાડીઓ એટલી અમીર બની ગઈ છે કે તેઓએ પુરૂષ ક્રિકેટરોને પણ માત આપી દીધી છે. જણાવી દઈએ કે ટીમ ઈન્ડિયાની સ્ટાર ક્રિકેટર સ્મૃતિ મંધાનાએ બધાને માત આપી 3.40 કરોડમાં સૌથી મોંઘી મહિલા ક્રિકેટર બની ગઈ છે.
બાબર આઝમથી પણ ડબલ થઈ સ્મૃતિની સેલેરી
પાકિસ્તાન ટીમના કેપ્ટન બાબર આઝમ દુનિયાના સૌથી સારા ખેલાડીઓમાંથી એક માનવામાં આવે છે. પાકિસ્તાન સુપર લીગમાં હાલ તેઓ પેશાવર જાલ્મી માટે રમી રહ્યા છે અને એમને પ્રતી સિઝન 1.50 લાખ ડોલર મળી રહ્યા છે. જો કે પાકિસ્તાન રૂપીયાના હિસાબે આ રકમ 3.60 કરોડથી વધુ છે પણ આપણા ભારતીય કરન્સી મુજબ હિસાબ કરીએ તો આ રકમ 1.50 કરોડ કરતાં પણ ઓછી થાય છે.
ત્રણ ખેલાડીઓને 3 કરોડથી વધુ રૂપિયા મળ્યા
તે જ સમયે ભારતની સ્મૃતિ મંધાનાને વિમેન્સ પ્રીમિયર લીગમાં પ્રતિ સીઝન 3.40 કરોડ રૂપિયા મળી રહ્યા છે. ગઇકાલના ઓક્શનમાં રોયલ ચેલેન્જર્સ બેંગ્લોરે તેને ખરીદી છે અને તે આ ટીમની કેપ્ટન પણ બની શકે છે. જણાવી દઈએ કે વિમેન્સ પ્રીમિયર લીગમાં 7 ખેલાડીઓ એવી છે, જેમની કિંમત 2 કરોડ કે તેથી વધુ છે. આમાંથી ત્રણ ખેલાડીઓને 3 કરોડથી વધુ રૂપિયા મળ્યા છે. નોંધનીય છે કે વિમેન્સ પ્રીમિયર લીગમાં ટીમોનું બજેટ માત્ર 12 કરોડ રૂપિયા હતું, આવી સ્થિતિમાં કોઈ એક ખેલાડી માટે 3 કરોડ રૂપિયા કે તેનાથી વધુ રકમ મેળવવી મોટી વાત છે, આ જ કારણ છે કે વિમેન્સ પ્રીમિયર લીગને ઘણી ઐતિહાસિક માનવામાં આવી રહી છે.
વિમેન્સ પ્રીમિયર લીગની લિસ્ટમાં સૌથી મોંઘી ખેલાડીઓ
આ ખેલાડીઓ પર થયો પૈસાનો વરસાદ
ભારતની ધુરંધર બેટર સ્મૃતિ મંધાના પર સૌથી પહેલા બોલી લગાવવામાં આવી. જેના માટે મુંબઈ ઈન્ડિયન્સ અને રોયલ ચેલેન્જર્સ બેંગ્લોરે ખૂબ બોલી લગાવી અને આરસીબી તેમને 3.40 કરોડમાં પોતાની સાથે રાખવામાં સફળ રહી. મંધાના બાદ આવેલી ભારતીય ટીમની કેપ્ટન હરમનપ્રીત કૌર. હરમનપ્રીત માટે મુંબઈ અને ઉત્તર પ્રદેશ વૉરિયર્સની ફ્રેન્ચાઈજીઓએ લડાઈ લડી અને મુંબઈ તેમને 1.80 કરોડ રૂપિયામાં પોતાની સાથે જોડી રાખવામાં સફળ રહી. આ બંને બાદ ઓસ્ટ્રેલિયાની એશ્લે ગાર્ડનર પર પણ પૈસાનો ખૂબ વરસાદ થયો. તેમને 3.20 કરોડમાં ગુજરાત જાયન્ટ્સે ખરીદ્યુ. ઈંગ્લેન્ડની સોફી એક્લેસ્ટન પણ પોતાનુ ખિસ્સુ ગરમ કરવામાં સફળ રહી. તેમને યુપી વૉરિયર્સે 1.80 કરોડમાં ખરીદી છે. ઓસ્ટ્રેલિયાની એલિસ પેરી માટે રોયલ ચેલેન્જર્સ બેંગ્લોર અને દિલ્હી કેપિટલ્સે લડાઈ લડી. આરસીબી તેમને 1.70 કરોડમાં ખરીદવામાં સફળ રહી.
