ક્રિકેટ / વર્લ્ડકપમાં ભારતની બે ધુંઆધાર ખેલાડીઓએ ફટકારી સદી! વેસ્ટ ઈન્ડિઝ સામે જંગી પડકાર ઊભો કર્યો

• સ્મૃતિ મંધાનાએ ફટકારી સદી 
• હરમનપ્રીત કૌરે પણ કરી કમાલ 
• મિથાલી રાજે રચ્યો ઈતિહાસ 

સ્મૃતિ મંધાનાએ ફટકારી સદી

મહિલા વર્લ્ડ કપમાં ટીમ ઇન્ડિયાએ ઈતિહાસ રચ્યો છે. વેસ્ટઇન્ડીઝ વિરુદ્ધ રમવામાં આવેલ મુકાબલામાં શનિવારે ભારત તરફથી બે સદી ફટકારવામાં આવી. સ્મૃતિ મંધાના ઉપરાંત હરમનપ્રીત કૌરે પણ આ મેચમાં સદી ફટકારી અને કમાલ કરી બતાવી. 

વર્લ્ડ કપ પહેલા બંને પર સવાલો ઉઠી રહ્યા હતા, પરંતુ હવે જ્યારે સૌથી મોટું ચેલેંજ આવ્યો તો ટીમના આ સિનીયર પ્લેયર્સએ ધમાકો કર્યો છે. આ મુકાબલામાં ભરતે ટોસ જીતીને પહેલા બેટિંગનો નિર્ણય લીધો હતો. 

Smriti Mandhana's outstanding innings has set India up for a big total against West Indies 🙌#CWC22 pic.twitter.com/XuvyJBdH62

— ICC (@ICC) March 12, 2022

આ મુકાબલામાં પણ શેફાલી વર્માને બોલાવવામાં આવી ન હતી, પરંતુ સ્મૃતિ મંધાના તથા યાસ્તિકા ભાટિયાની જોડીએ શાનદાર શરૂઆત કરી હતી. બંને વચ્ચે 49 રનની ભાગીદારી થઇ, જ્યાર બાદ સ્મૃતિ મંધાનાએ મેચમાં શાનદાર પ્રદર્શન કર્યું હતું. 

મંધાનાએ પોતાના અંદાજમાં બેટિંગ કરી અને 119 બોલમાં 123 રન બનાવ્યા. સ્મૃતિએ પોતાની પારીમાં 13 ચોક્કા, 2 છક્કા લગાવ્યા. આ દરમિયાન, તેમનો સ્ટ્રાઈક રેટ 100થી ઉપર જ રહ્યો. આ વર્લ્ડ કપમાં સ્મૃતિ શાનદાર ફોર્મમાં જોવા મળી રહી છે. ત્રીજી મેચમાં આ તેમની પહેલી સદી છે, જ્યારે તે એક અડધી સદી ફટકારી ચુકી છે. સ્મૃતિ મંધાનાની વનડે કરિયરની આ પાંચમી સદી છે. 

Today's 184-run partnership between Smriti Mandhana and Harmanpreet Kaur against West Indies is the highest for India in Women's World Cup history 👏#CWC22 pic.twitter.com/KWW1draVDp

— ICC (@ICC) March 12, 2022

હરમનપ્રીત કૌરે પણ કરી કમાલ 
હરમનપ્રીત કૌરે પણ એકવાર ફરી કમાલ કરી બતાવી છે. તે લાંબા સમયથી લોકોના નિશાના પર હતી, પરંતુ હવે તેમણે દમદાર સદી ફટકારીને બધાની બોલતી બંધ કરી દીધી છે. હરમનપ્રીતે 109 રન બનાવ્યા અને આ દરમિયાન 10 ચોક્કા, 2 છક્કા લગાવ્યા. હરમનપ્રીત કૌરનાં કરિયરની આ ચોથી સદી છે. 

હરમન કૌર આ સાથે જ આ વર્લ્ડકપમાં સૌથી વધારે રન બનાવનાર પ્લેયર પણ બની ચુકી છે. તેમણે અત્યાર સુધી 3 મેચમાં 185 રન બનાવ્યા છે. આમાં એક સદી અને એક અડધી સદી સામેલ છે. ખાસ વાત એ છે કે આ લિસ્ટમાં બીજા નંબર પર ભારતની સ્મૃતિ મંધાના છે, જેમણે 3 મેચમાં 181 રન બનાવ્યા છે. 

મિથાલી રાજે બનાવ્યો રેકોર્ડ 

ભારતીય મહિલા ક્રિકેટ ટીમની કપ્તાન મિથાલી રાજે શનિવારે ઈતિહાસ રચ્યો છે. તેમણે ન્યુઝીલેન્ડમાં રમાઈ રહેલા વન ડે વર્લ્ડ કપમાં વેસ્ટઇન્ડીઝ વિરુદ્ધ મેચમાં ઉતરતા જ આ વર્લ્ડ રેકોર્ડ બનાવ્યો છે. હવે તે પોતાની આ મેચ જીતીને આ રેકોર્ડ વધારે ખાસ બનાવવા માંગશે. 

Fourth ODI century for Harmanpreet Kaur 🔥#CWC22 pic.twitter.com/DJ3TpQNbvu

— ICC (@ICC) March 12, 2022

Mithali Raj breaks the record for most matches captained in the ICC Women's Cricket World Cup 👏#CWC22 pic.twitter.com/CiTHmbC72X

— ICC (@ICC) March 12, 2022