લોકસભા ચૂંટણી 2024 / ચૂંટણી ટાણે જ ભાજપને ઝટકો, જામનગરમાં ક્ષત્રિયોના અસ્મિતા મહાસંમેલન બાદ 500 કાર્યકરો કોંગ્રેસમાં જોડાયા

BJP Congress, Jamnagar

સામાન્ય રીતે આપણે એવા સમાચાર વાંચવાથી ટેવાઇ ગયેલા છીએ કે કોંગ્રેસના ફલાણા નેતા કે અમુક કાર્યકરો ભાજપમાં જોડાઇ ગયા. પરંતુ આ વખતે જે સમાચાર સામે આવ્યા છે તે બિલકુલ ઉલટા છે. સમાચાર છે જામનગરના.. જ્યાંથી એવી વાત સામે આવી છે કે ભાજપના 500થી વધુ કાર્યકરો અને હરેન્દ્રસિંહ જાડેજા ભાજપ છોડીને કોંગ્રેસમાં જોડાઇ ગયા છે..

માનવામાં આવે છે કે પરષોત્તમ રૂપાલાના વિવાદીત નિવેદનને લઇને ક્ષત્રિય સમુદાયનો હજુપણ એક વર્ગ એવો છે જે રોષમાં છે.. સુત્રોનું માનીએ તો ભાજપના 500થી વધુ કાર્યકરો અને હરેન્દ્રસિંહ જાડેજાનું કોંગ્રેસમાં ભળવું એ આ રોષનું જ પરિણામ છે.

અહીં એ વાતનો પણ ઉલ્લેખ કરવો જરૂરી છે કે જામનગરમાં રાજપુત સમાજનું જે અસ્મિતા મહાસંમેલન તાજેતરમાં જ યોજાઇ ગયું છે.. તેમાં મોટી સંખ્યામાં રાજપૂત સમાજના ભાઇ-બહેનો હાજર રહ્યા હતા. તેમાં ભાજપ વિરુદ્ધ મતદાન કરવાની હાકલ કરવામાં આવી હતી. સંમેલનમાં નક્કી કરાયુ હતું કે 7મીમેના રોજ ભાજપ વિરુદ્ધ વધુમાં વધુ મતદાન કરવું..