ન્યૂઝ અપડેટ્સ
ન્યૂઝ અપડેટ્સ
VTV / ધર્મ / મેષથી મીન સુધી રાશિ પ્રમાણે માતા દુર્ગાને શું ચઢાવવું? કઈ રાશિના જાતકોએ કયા મંત્રનો જાપ કરવો, જાણો નવરાત્રીના ખાસ ઉપાય
7 ફોટો ગેલેરી
Last Updated: 10:18 AM, 7 October 2026
FOLLOW ON
શેર કરો
1/7
વર્ષ 2026માં શારદીય નવરાત્રીની શરૂઆત 11 ઓક્ટોબર, રવિવારથી થશે. આશ્વિન માસના શુક્લ પક્ષની પ્રતિપદાથી શરૂ થનારા આ પવિત્ર પર્વમાં નવ દિવસ સુધી મા દુર્ગાના વિવિધ સ્વરૂપોની પૂજા કરવામાં આવે છે. આ દરમિયાન ભક્તો ઉપવાસ રાખે છે અને માતાને પોતાની શ્રદ્ધા પ્રમાણે ભોગ ધરાવે છે. જ્યોતિષ શાસ્ત્ર અનુસાર રાશિ પ્રમાણે ભોગ અને મંત્રનો જાપ કરવાથી વિશેષ શુભ ફળ મળવાની માન્યતા છે.
આ તસવીર શેર કરો
2/7
મેષ રાશિના જાતકોએ માતાને લાલ ફૂલ જેમ કે જાસૂદ અથવા ગુલાબ સાથે બેસનના લાડુ કે હલવો ધરાવવો અને “ૐ ઐં ક્રીં ક્લીં મહાદુર્ગાદેવ્યૈ નમઃ” મંત્રનો જાપ કરવો. વૃષભ રાશિના જાતકો સફેદ મીઠાઈ, રસગુલ્લા, મિશ્રી-માખણ અને સુગંધિત ઇત્ર ધરાવી “ૐ શ્રીં ક્લીં મહાલક્ષ્મી નમઃ”નો જાપ કરી શકે છે.મિથુન રાશિના જાતકો લીલી ઈલાયચી, કેતકીના ફૂલ અથવા કેળાનો ભોગ ધરાવી “ૐ ગં ગણપતયે નમઃ” અને “ૐ ઐં નમઃ” મંત્રનો જાપ કરે. કર્ક રાશિના જાતકો દૂધ અને ચોખામાંથી બનેલી ખીર, મખાણા તથા સફેદ ફૂલ ધરાવે અને “ૐ દુર્ગાયૈ નમઃ”નો જાપ કરે. સિંહ રાશિના જાતકો કેસરવાળી ખીર, દાડમ અને ગોળનો ભોગ ધરાવી “ૐ હ્રીં શ્રીં દું દુર્ગાયૈ નમઃ” મંત્રનો જાપ કરી શકે છે.
આ તસવીર શેર કરો
ADVERTISEMENT
3/7
કન્યા રાશિના જાતકોએ લીલા શાકભાજી, ફળ, ઈલાયચી અને માલપુઆ ધરાવી “ૐ ઐં શ્રીં ક્લીં કમલવાસિન્યૈ નમઃ”નો જાપ કરવો. તુલા રાશિના જાતકો પંચામૃત, સફેદ મીઠાઈ અને માલતીના ફૂલ ધરાવી “ૐ મહાલક્ષ્મી નમઃ”નો જાપ કરી શકે છે.વૃશ્ચિક રાશિના જાતકો લાલ રંગની મીઠાઈ, ગોળ અથવા દાડમ ધરાવી “ૐ ક્રાં ક્રીં ક્રૌં સઃ ભૌમાય નમઃ”નો જાપ કરે. ધનુ રાશિના જાતકો પીળી મીઠાઈ, બેસનની મીઠાઈ, કેસરિયા ભાત અને પીળા ફૂલ ધરાવી “ૐ ઐં ક્લીં સૌઃ દુર્ગાયૈ નમઃ”નો જાપ કરી શકે છે.
આ તસવીર શેર કરો
4/7
મકર રાશિના જાતકો નારિયેળ, અડદની દાળનો હલવો અથવા તલ ધરાવી “ૐ ઐં હ્રીં ક્લીં ચામુંડાયૈ વિચ્ચે” મંત્રનો જાપ કરે. કુંભ રાશિના જાતકો હલવો-પૂરી, વાદળી ફૂલ અથવા તલની મીઠાઈ ધરાવી “ૐ ઐં હ્રીં ક્લીં નમઃ”નો જાપ કરી શકે છે.મીન રાશિના જાતકો કેળા, ચણાની દાળ-ગોળ અથવા કેસરવાળું દૂધ ધરાવી “ૐ શ્રીં હ્રીં ક્લીં દુર્ગાદેવ્યૈ નમઃ” મંત્રનો જાપ કરી શકે છે. રાશિ પ્રમાણે અલગ ભોગ ધરાવવાની આ પરંપરા ભક્તિ અને જ્યોતિષીય માન્યતાઓ સાથે જોડાયેલી છે.
આ તસવીર શેર કરો
ADVERTISEMENT
5/7
જ્યોતિષ શાસ્ત્રની માન્યતા મુજબ નવરાત્રી દરમિયાન પોતાની રાશિ પ્રમાણે મા દુર્ગાની પૂજા કરવાથી જીવનમાં સુખ, શાંતિ, સમૃદ્ધિ અને સુરક્ષા જળવાઈ રહે છે. યોગ્ય ભોગ ધરાવીને શ્રદ્ધા સાથે મંત્રનો જાપ કરવાથી માતાના આશીર્વાદ પ્રાપ્ત થાય છે તેવી માન્યતા છે. કેટલાક જ્યોતિષીય મત અનુસાર આ રીતે પૂજા કરવાથી કુંડળીમાં રહેલા પ્રતિકૂળ ગ્રહોના પ્રભાવમાં પણ રાહત મળી શકે છે.
આ તસવીર શેર કરો
6/7
નવરાત્રી દરમિયાન મંત્રનો જાપ હંમેશા શક્ય હોય તેટલા શુદ્ધ ઉચ્ચાર સાથે કરવો જોઈએ. માતાને ધરાવવામાં આવતો ભોગ સાત્વિક હોવો જોઈએ અને તામસિક વસ્તુઓથી દૂર રહેવાની સલાહ આપવામાં આવે છે. પૂજા કરતી વખતે મનમાં શ્રદ્ધા, ભક્તિ અને નિયમનું પાલન રાખવું જરૂરી છે. માત્ર ભોગ ધરાવવો જ નહીં પરંતુ પૂજા દરમિયાન પવિત્રતા અને સંયમ જાળવવો પણ મહત્વપૂર્ણ માનવામાં આવે છે.
આ તસવીર શેર કરો
ADVERTISEMENT
7/7
ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
8th Pay Commission / આ જ અઠવાડિયે 8માં પગારપંચ પર થશે મોટી મીટિંગ, જાણો બેઠકનો મૂળ એજન્ડા
