- અઢી વર્ષ બાદ શનિનું રાશિ પરિવર્તન
- 29 એપ્રિલે કુંભ રાશિમાં મેળવશે પ્રવેશ
- અમુક રાશિના જાતકોની શરુ થશે સાડાસાતી
શનિનું રાશિ પરિવર્તન એ તમામ રાશિના જાતકોમાં મોટા ફેરફાર લાવે છે. શનિએ ન્યાયના દેવતા ગણાય છે. શનિની સીધી દ્રષ્ટિ જેતા પર પડે તે તહેસનહેસ થઇ જાય છે. ત્યારે આ વખતે અઢી વર્ષ બાદ શનિનું રાશિ પરિવર્તન થવા જઇ રહ્યુ છે. જે કેટલાક રાશિના જાતકો માટે સાડા સાતી તેમજ ઢૈયા શરુ કરે છે. તો કેટલાક રાશિના જાતકોને સાડાસાતીથી મુક્તિ પણ અપાવે છે. ત્યારે આ મહિનાની 29 એપ્રિલે શનિ અઢી વર્ષ બાદ રાશિ બદલવા જઇ રહ્યા છે. ત્યારે કઇ રાશિઓ પર કેવી અસર થશે, આવો જાણીએ.
આ રાશિની શરુ થશે સાડાસાતી
શનિ પોતાની રાશિ કુંભ રાશિમાં પ્રવેશતાની સાથે જ મીન રાશિના જાતકોની સાડા સાતી શરૂ થશે. ધન રાશિના લોકોને શનિની સાડાસાતીમાંથી મુક્તિ મળશે. આવી સ્થિતિમાં મીન રાશિના લોકો માટે ચિંતા થવી સામાન્ય છે કારણ કે સાડા સાત વર્ષ સુધી રહે છે. આવી સ્થિતિમાં આ લોકો માટે જરૂરી છે કે તેઓ સાડા સાતીના ખરાબ પ્રભાવથી બચવા માટે અત્યારથી જ કેટલાક ઉપાયો કરવા લાગે.
શનિની સાડા સાતી દરમિયાન કરો આ ઉપાય
- શનિ એવા દેવતા છે જે કર્મો અનુસાર ફળ આપે છે, તેથી તેમના ક્રોધથી બચવાનો શ્રેષ્ઠ ઉપાય એ છે કે સારા કાર્યો કરો. આ માટે, સૌથી વધુ અસરકારક માર્ગ એ છે કે દાન કરવું અને લાચાર, કામ કરતા લોકોને મદદ કરવી. જે લોકો આવું કરે છે તેમના પર શનિદેવ હંમેશા પ્રસન્ન રહે છે.
- જે લોકો પર શનિની સાડાસાત કે ઢૈયા ચાલી રહી છે, તેમણે શનિવારે અડદની દાળ, કાળું કપડું, કાળા તલ અને કાળા ચણા જેવી કાળી વસ્તુઓ કોઈ ગરીબ વ્યક્તિને દાન કરવી જોઈએ.
- મજૂરો, મહિલાઓ, વિકલાંગોને મદદ કરો. ભૂલથી પણ તેમનું અપમાન ન કરો કે તેમના પર જુલમ ન કરો.
- સાડાસાત સતી અને ઢૈયાથી રાહત મેળવવા માટે દર શનિવારે પીપળાના ઝાડ નીચે સરસવના તેલનો દીવો પ્રગટાવવાથી પણ ઘણો ફાયદો થાય છે. તેનાથી ઘણી સમસ્યાઓ દૂર થાય છે અને આર્થિક પ્રગતિ થાય છે.
- શનિવારે ऊं प्रां प्रीं प्रौं सः शनैश्चराय नमः' , તથા 'ऊं शं शनिश्चरायै नमः' મંત્રોનો જાપ કરવાથી તમારામાં સકારાત્મકતા આવશે. તેમજ શનિદેવની કૃપાથી દરેક કામ સરળતાથી થઈ જશે.
- શનિના પ્રકોપથી મુક્તિ મેળવવાનો શ્રેષ્ઠ ઉપાય છે મુશ્કેલી નિવારક હનુમાનની શરણમાં જવું. તેના માટે શનિવારે હનુમાન ચાલીસા અથવા સુંદરકાંડનો પાઠ કરો. ગરીબોને દાન કરો.
