કિંગ ખાનનો ડંકો / શાહરૂખ ખાને ફરી મચાવી ધૂમ, જવાન ફિલ્મે પહેલા જ દિવસે તોડી નાખ્યા તમામ રેકોર્ડ

• શાહરૂખ ખાનની ફિલ્મે મચાવી ધૂમ
• જવાને પહેલા દિવસે જ કર્યુ રેકોર્ડબ્રેક કલેક્શન
• ઓપનિંગ ડે કલેક્શનનો બમ્પર રેકોર્ડ બનાવ્યો

બોલિવૂડના બાદશાહ શાહરૂખ ખાને પઠાણ ફિલ્મ પછી જવાન ફિલ્મે પહેલા જ દિવસે ધૂમ મચાવી દીધી છે. શાહરૂખ ખાનની ફિલ્મ જવાન સિનેમાઘરોમાં રિલીઝ થઈ ગઈ છે અને ફિલ્મને લઈને દર્શકોની ભારે ભીડ જોવા મળી રહી છે. ફિલ્મ શાનદાર છે પરંતુ તેના પહેલા દિવસના કલેક્શનના આંકડા પણ વધુ સારા છે. એવી અપેક્ષા રાખવામાં આવે છે કે આ ફિલ્મ તેની રિલીઝના પહેલા દિવસે એટલી કમાણી કરશે જે આજ સુધી બીજી કોઈ ફિલ્મ કરી શકી નથી. એક અહેવાલ મુજબ શાહરૂખ ખાનની ફિલ્મ જવાન તેની રિલીઝના પહેલા દિવસે વિશ્વભરમાં લગભગ 140 કરોડની કમાણી કરી શકે છે. જો આમ થશે તો તે અત્યાર સુધીનો સૌથી મોટો રેકોર્ડ હશે. અત્યાર સુધી કોઈ હિન્દી ફિલ્મ એક દિવસમાં આટલી કમાણી કરી શકી નથી. હવે માત્ર એક જ ફિલ્મ બાહુબલી આ રેકોર્ડની આગળ છે. એટલે કે જવાન ફિલ્મ બીજા નંબરે પહોંચી ગઈ છે. બાહુબલી 2 એ તેની રિલીઝના પહેલા દિવસે જ વિશ્વભરમાં 227 કરોડની કમાણી કરી હતી.

શાહરૂખ ખાને ફરી ડંકો વગાડ્યો

શાહરૂખ ખાને પોતાની ફિલ્મોથી ખાસ ફરક પાડ્યો છે. સુપરસ્ટારની કરિયરની ગાડી ભલે વચ્ચે પાટા પરથી ઉતરી ગઈ હોય પરંતુ ફરી એકવાર શાહરૂખ ખાનનો ડંકો ચારે તરફ ધૂમ મચાવી રહ્યો છે. પઠાણ પછી લોકોના મનમાં શંકા હતી કે એક વર્ષમાં શાહરૂખ ખાન પણ ચાહકોને આવો જ આનંદ આપી શકશે. પરંતુ શાહરૂખે આ અદ્ભુત કામ કર્યું. હવે અભિનેતા એક વર્ષમાં બે મોટી બ્લોકબસ્ટર આપવા તરફ આગળ વધી રહ્યો છે. 

 

ફિલ્મ પાસેથી ઘણી અપેક્ષાઓ છે

રિપોર્ટ્સ અનુસાર પહેલા દિવસે ફિલ્મ ભારતની તમામ ભાષાઓમાં 84.50 કરોડની કમાણી કરશે. આ સિવાય ઓવરસીઝ કલેક્શનની વાત કરીએ તો આશા છે કે ફિલ્મ 50 કરોડની કમાણી કરશે. આ સંદર્ભમાં તેની કમાણી 135-140 કરોડ રૂપિયા સુધી પહોંચી શકે છે. ફિલ્મમાં શાહરૂખ ખાન ઉપરાંત વિજય સેતુપતિ, નયનતારા અને યોગી બાબુ મહત્વની ભૂમિકામાં છે. આ સિવાય દીપિકા પાદુકોણ પણ આ ફિલ્મમાં કેમિયો રોલમાં છે.