અપડેટ / EPFOમાં મોટો ફેરફાર, હવે ડોક્યુમેન્ટ વગર પણ અપડેટ થઈ જશે આટલી માહિતી

હવેની આ અપડેટ મુજબ, કોઈ પણ સભ્યો દસ્તાવેજો સબમિટ કર્યા વિના નામ, જન્મ તારીખ, જાતિ, રાષ્ટ્રીયતા, માતાપિતાનું નામ, લગ્નની સ્થિતિ, જીવનસાથીનું નામ અને બીજી ઘણી માહિતીમાં તમે સરળતાથી ફેરફાર કરી શકો છો. બીજું કે, હવે કર્મચારીઓ સરળતાથી EPFO પ્રોફાઇલ અપડેટ કરી શકશે. આ માટે કોઈપણ પ્રકારના દસ્તાવેજની જરૂર પડશે નહીં. EPFOના આ નિર્ણયથી પેન્ડિંગ અરજીઓ ધરાવતા 3.9 લાખ સભ્યોને ફાયદો થશે.

કઈ માહિતી અપડેટ કરી શકાય છે?

EPFO સિસ્ટમમાં ઘણા અપડેટ્સ આવ્યા છે. નવીનતમ અપડેટ એ છે કે, સભ્યો કોઈપણ દસ્તાવેજો સબમિટ કર્યા વિના નામ, જન્મ તારીખ, જાતિ, રાષ્ટ્રીયતા, માતાપિતાનું નામ, લગ્નની સ્થિતિ, જીવનસાથીનું નામબીજી ઘણી માહિતીમાં સરળતાથી સંપાદિત કરી શકાય છે અને અન્ય માહિતી પણ ઉમેરી શકાય છે.

વધુ વાંચો: ક્રેડિટ કાર્ડનો ઉપયોગ કરનારા આટલું ખાસ નોંધી લે, નહીંતર ખરાબ થઇ જશે સિબિલ સ્કોર

કોને મળશે આ સુવિધા?

EPFOએ માહિતી આપી છે કે, આ સુવિધા એવા સભ્યો માટે છે જેમના યુનિવર્સલ એકાઉન્ટ નંબર (UAN)ની ચકાસણી આધાર સાથે કરવામાં આવી છે. આ પ્રક્રિયાનો ઉદ્દેશ્ય ફરિયાદો ઘટાડવા અને પેન્ડિંગ અરજીઓનો ઝડપથી નિકાલ કરવાનો છે. અગાઉ ફેરફાર માટે એમ્પ્લોયર પાસેથી વેરીફાઈ કરવાની આવશ્યકતા હતી, જેમાં લગભગ 28 દિવસનો સમય લાગતો હતો. બીજું કે, આ સુવિધામાં આધાર કાર્ડ અને પાન કાર્ડનું લિંક હોવું ખૂબ જ જરૂરી છે.

શું હશે પ્રક્રિયાઃ

પ્રોફાઇલ ફેરફારો માટે, સભ્યએ દસ્તાવેજો સબમિટ કરવા અને એમ્પ્લોયરની મંજૂરીની રાહ જોવી પડશે નહીં. આ માટે UAN ને આધાર સાથે લિંક કરવું પડશે. સભ્યોએ EPFO પોર્ટલ અથવા UMANG એપમાં લોગ ઈન કરીને અપડેટ્સ માટેની પ્રક્રિયા કરવી પડશે.

કેવી રીતે અપડેટ કરવું?

• સૌ પ્રથમ EPAO પોર્ટલ (https://unifiedportal-mem.epfindia.gov.in/memberinterface/) પર જાઓ.
• હવે તમારો UAN યુનિવર્સલ એકાઉન્ટ નંબર, પાસવર્ડ અને કેપ્ચા દાખલ કરીને લોગિન કરો.
• લોગ ઇન કર્યા પછી, ઉપરની બાજુ 'મેનેજ' ટેબ પર ક્લિક કરો.
• જો તમારે નામ, જન્મ તારીખ અથવા જાતિ જેવી વ્યક્તિગત વિગતો અપડેટ કરવાની જરૂર હોય, તો 'મોડીફાઇડ બેઝિક ડિટેલ્સ' વિકલ્પ પસંદ કરો.
• તમારા આધાર કાર્ડ મુજબ જરૂરી માહિતી યોગ્ય રીતે ભરો. EPF અને આધારમાં વિગતો સમાન હોવી જોઈએ.
• જો જરૂરી હોય તો આધાર કાર્ડ, પાન કાર્ડ અથવા જન્મ પ્રમાણપત્રને અપલોડ કરો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ