IPL Auction 2027 / 16 ડિસેમ્બરે ક્રિકેટર્સની હરાજી થશે, આ શહેરમાં IPL 2027 માટે ખેલાડીઓ પર લાગશે કરોડોની બોલી

દુનિયાની સૌથી ધનિક લીગ આઇપીએલ 2027 ની આગામી સીઝન માટે ખેલાડીઓની હરાજી 16 ઓક્ટોબરે ગોવામાં થશે. આ એક મીની ઓક્શન છે, તેથી હરાજી પ્રક્રિયા ફક્ત એક દિવસ ચાલશે. આ વર્તમાન આઇપીએલ ચક્રની છેલ્લી મીની હરાજી છે, જ્યારે 2028 સીઝન પહેલા મેગા ઓક્શનનું આયોજન કરવામાં આવી શકે છે.

આઇપીએલ 2027 માટે ઓક્શનની તારીખ જાહેર કરવામાં આવી છે. હરાજી 16 ડિસેમ્બરે ગોવામાં થશે. દરિયાની લહેરો વચ્ચે ખેલાડીઓ માટે કરોડો રૂપિયાની બોલી લગાવવામાં આવશે, જ્યારે ભારત અને શ્રીલંકા વચ્ચેની બીજી વન ડે થોડા કિલોમીટર દૂર બેંગલુરુમાં રમાશે.

રીટેન્શનની અંતિમ તારીખ 16 નવેમ્બર

આઇપીએલ ગવર્નિંગ કાઉન્સિલે તાજેતરમાં ફ્રેન્ચાઇઝીઓને જાણ કરી હતી કે ખેલાડીઓની રીટેન્શન 15 નવેમ્બર સુધીમાં અંતિમ સ્વરૂપ આપવું આવશ્યક છે. આનો અર્થ એ છે કે રીટેન્શન હરાજીના એક મહિના પહેલા પૂર્ણ કરવું પડશે. તેના થોડા સમય પછી આઇપીએલ ફ્રેન્ચાઇઝીઓને ખેલાડીઓની રજિસ્ટર્ડ યાદી મોકલશે, જેમાંથી તેમને ખેલાડીઓને શોર્ટલિસ્ટ કરવાની જરૂર પડશે. ખેલાડીનો હરાજી નંબર પણ હરાજી પહેલાના અઠવાડિયામાં જાહેર કરવામાં આવશે.

આ પણ વાંચોઃ સ્પોર્ટ્સ / જેલની યાતના બાદ મેદાન પર ચમક્યો અભિષેક પોરેલ: મુશ્કેલ સમયને યાદ કરીને છલકાયું દર્દ

હરાજી પહેલા અત્યાર સુધી ફક્ત બે ટ્રેડ

ગયા સિઝન પુરી થયા બાદ અત્યાર સુધી આઇપુએલ ટ્રેડ વિન્ડો દ્વારા ફક્ત બે સોદા થયા છે. જૂનમાં લખનૌ સુપર જાયન્ટ્સે અનુભવી સ્પિનર ​​કુલદીપ યાદવના બદલામાં તેમના કેપ્ટન ઋષભ પંતને દિલ્હી કેપિટલ્સ (DC) ને વેચ્યા હતા. ત્યારબાદ દિલ્હી કેપિટલ્સે ઝડપી બોલર ટી. નટરાજનના બદલામાં અનકેપ્ડ લેગ-સ્પિનર ​​ઝીશાન અંસારીને સાથે જોડ્યો. આઇપીએલના નિયમો અનુસાર ટ્રેડ વિન્ડો સીઝન સમાપ્ત થયાના એક મહિના પછી ખુલે છે અને હરાજી પહેલા એક અઠવાડિયા સુધી ખુલ્લી રહે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ