Multibagger Penny Stock / 7 રૂપિયાનો શેર બન્યો મલ્ટીબેગર, માત્ર 1 વર્ષમાં જ બનાવી દીધા ₹8000000

'મલ્ટિબેગર' સ્ટોક્સની યાદી એટલે કે એવા શેર જેમણે શેરબજારના રોકાણકારોને ધનવાન બનાવ્યા છે, ખૂબ લાંબી છે. જ્યાં કેટલાક શેરોએ લાંબા ગાળાના રોકાણકારો માટે નોંધપાત્ર સંપત્તિનું સર્જન કર્યું છે, ત્યાં અન્ય કેટલાક શેરોએ ખૂબ જ ટૂંકા ગાળામાં રોકાણકારો માટે 'પૈસા છાપવાનું મશીન' જેવું કામ કર્યું છે. આવો જ એક 'સ્મોલ-કેપ' સ્ટોક છે 'જેટીએલ ડિફેન્સ'. સંરક્ષણ ક્ષેત્રની આ કંપનીના શેરનો ભાવ માત્ર એક વર્ષમાં 7 રુપિયા થી વધીને 570ને પાર કરી ગયો હતો.

વર્ષમાં 7 રુપિયાથી 570 રુપિયાના પાર

Multibagger JTL Defence Share આ શેરના ભાવ પર નજર નાખવાથી જ જાણી શકાય છે કે તેણે પોતાના રોકાણકારોને કેટલી સંપત્તિ કમાઈ આપી છે. એક વર્ષ પહેલાં 27 ઓક્ટોબર, 2025 ના રોજ GTLનો એક શેર માત્ર 7.14 રુપિયાના ભાવે ટ્રેડ થઈ રહ્યો હતો. ગયા શુક્રવારે, એટલે કે અગાઉના સપ્તાહના છેલ્લા ટ્રેડિંગ દિવસે, તે 583.10 રુપિયાના ભાવે બંધ થયો હતો, અને સોમવારે જ્યારે બજાર ખૂલ્યું ત્યારે તેનો ભાવ ઘટીને 571 રુપિયા થઈ ગયો હતો. આ શેરનો 52 સપ્તાહનો ઉચ્ચતમ ભાવ 924 રુપિયા છે.

1 લાખ બન્યા 80 લાખ રુપિયા

છેલ્લા એક વર્ષમાં JTL ડિફેન્સના શેરના ભાવમાં આવેલા ઉતાર-ચઢાવને જોતાં, રોકાણકારોએ 8066 % જેટલું અસાધારણ 'મલ્ટિબેગર' વળતર મેળવ્યું છે. બીજા શબ્દોમાં કહીએ તો, જો કોઈ રોકાણકારે કંપનીના શેરમાં 7 રુપિયાના ભાવે 1 લાખ રુપિયાનું રોકાણ કર્યું હોત અને તેને અત્યાર સુધી જાળવી રાખ્યું હોત, તો તેમનું રોકાણ વધીને 81,66,000 રુપિયા થઈ ગયું હોત.

6 મહિનામાં પણ પૈસા ડબલ

આ એક 'સ્મોલ-કેપ' કંપની છે, જેનું માર્કેટ કેપિટલાઇઝેશન 613.79 કરોડ રુપિયા છે. તેમ છતાં, તેનો શેર તેના રોકાણકારો માટે સંપત્તિ સર્જક સાબિત થયો છે. માત્ર છ મહિનામાં, JTL ડિફેન્સના શેરના ભાવમાં 151%નો ઉછાળો આવ્યો છે, જેનો અર્થ એ છે કે આ સમયગાળા દરમિયાન રોકાણ કરેલી રકમ બમણાથી પણ વધુ થઈ ગઈ છે.

આ પણ વાંચોઃ શેરબજારમાં આગામી અઠવાડિયે IPOની ધમાલ, 5 કંપનીઓ ₹2,600 કરોડ એકત્રિત કરવાની તૈયારીમાં!

આ વર્ષે બદલાયુ કંપનીનું નામ

નોંધનીય છે કે JTL ડિફેન્સ લિમિટેડ (JTL Defence Limited) અગાઉ RCI ઇન્ડસ્ટ્રીઝ એન્ડ ટેક (RCI Industries & Tech) તરીકે ઓળખાતી હતી. આ વર્ષે એપ્રિલના પ્રથમ દિવસે કંપનીનું નામ બદલવામાં આવ્યું હતું. JTL ડિફેન્સ લિમિટેડ મુખ્યત્વે તાંબા, પિત્તળ અને અન્ય વિશિષ્ટ ધાતુઓમાંથી બનેલા ઉત્પાદનોના નિર્માણ કાર્ય સાથે સંકળાયેલી છે. આ ઉત્પાદનોનો ઉપયોગ સંરક્ષણ, વિદ્યુત, ઓટોમોટિવ, ઇલેક્ટ્રોનિક્સ અને ઔદ્યોગિક ક્ષેત્રોમાં થાય છે.

DISCLAIMER બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ