Guwahati News / ગુવાહાટીની હોટલમાં અંધાધૂંધ ફાયરિંગ, 4 લોકોનાં મોત, કેટલાય ઘાયલ

આસામના ગુવાહાટીમાં ચકચારી ઘટના બની છે. અહીની એક હોટલમાં સોમવારે રાત્રે ગોળીબારની ઘટના બની છે જેમાં ચાર જમાના મોત નીપજ્યા છે. આ ઘટના બોરા સર્વિસ એરિયામાં આવેલી બિલાસ ઇન હોટેલમાં બની હોવાનું જાણવા મળ્યુ છે. ઘટનાના વીડિયો સામે આવ્યા છે, જેમાં રિસેપ્શન પાસે મૃતદેહો પડેલા દેખાય છે.

હુમલાખોરોએ છ લોકોના ગૃપ પર ગોળીબાર કર્યો

શરૂઆતના અહેવાલો અનુસાર હુમલાખોરોએ બે મહિલાઓ સહિત છ લોકોના ગૃપ પર ગોળીબાર કર્યો હતો. ઘાયલોમાં કેટલાક હોટલના કર્મચારીઓ હોવાનું પણ માનવામાં આવી રહ્યું છે.

ગુવાહાટી પોલીસ ઘટનાસ્થળે પહોંચી તપાસ શરૂ કરી છે. હજુ સુધી હુમલા પાછળના કારણ, મૃતકોની ઓળખ અને શંકાસ્પદો વિશે સ્પષ્ટ માહિતી બહાર આવી નથી.

ગુવાહાટી પોલીસ કમિશનર પાર્થ સારથી મહંતે મીડિયાને જણાવ્યું હતું કે ચાર મૃતદેહોને પોસ્ટમોર્ટમ માટે મોકલવામાં આવ્યા છે. "અમને ચાર મૃતદેહો મળ્યા છે અને આ મામલાની તપાસ ચાલી રહી છે," તેમણે કહ્યું કે વધુ મૃતદેહો મળવાની શક્યતા નકારી શકાય નહીં.

આ પણ વાંચોઃ દુખદ / VIDEO : હોટલના કમરામાં ઘુસતાં જ ધડામ કરતાં ઢળી પડી બેન્ક મેનેજરની પત્ની મુસ્કાન, પિતાએ કહ્યું-પતિએ દીવાલ સાથે અથડાવી

આ ઘટના હોટલ બિલાસ ઇન નજીક એક જ્વેલર્સ આઉટલેટની બાજુમાં આવેલી ગલીમાં બની હતી. પોલીસ ટીમો ઘટનાસ્થળે દોડી ગઈ હતી અને તપાસ શરૂ કરી હતી.

આ ઘટનામાં ઘણા લોકો ઘાયલ થયા હતા અને તેમને સારવાર માટે ગુવાહાટી મેડિકલ કોલેજ અને હોસ્પિટલ લઈ જવામાં આવ્યા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ