પર્યટન સ્થળ / ડોન હિલ સ્ટેશન, ગિરા વૉટરફોલ્સ, વઘઇનું ખાસ ગાર્ડન: સાપુતારા ફરવા જવાનો બનાવો પ્લાન, એક મહિના સુધી ચાલશે આ ખાસ ફેસ્ટિવલ

• સાપુતારા ફિલ્મ ફેસ્ટિવલ 2023ની તારીખો જાહેર
• એક મહિના લાંબો સાંસ્કૃતિ કાર્યક્રમ
• અનેક હિલ સ્ટેશન બનશે આકર્ષણનું કેન્દ્ર

Saputara Monsoon Festival 2023: ચોમાસાની સીઝન શરૂ થતાની સાથે જ સૌકોઈ પોતાના મિત્રો અને પરિવાર સાથે હિલ સ્ટેશન ફરવા જવાનો પ્લાન બનાવા લાગે છે ત્યારે આપણાં ગુજરાતમાં પણ એવા અનેક રળિયામણા સ્થળો છે જ્યાં જઈને તમારી આંખો અને મન બંનેને ઠંડક પહોંચશે.

સાપુતારા મોનસૂન ફેસ્ટિવલ 2023
ગુજરાત ટૂરિઝમ આ વર્ષે ખાસ સાપુતારા મોનસૂન ફેસ્ટિવલ આયોજિત કરવા જઈ રહ્યું છે. આ ફેસ્ટિવલ 30 જૂલાઈથી 30 ઑગસ્ટ 2023 સુધી રહેશે. આ ફેસ્ટિવલ દરમિયાન યાત્રીકો સાપુતારા અને તેની આસપાસનાં તમામ આહલાદક સ્થળોની મુલાકાત લઈ શકશે.

શું હશે આ ફેસ્ટિવલમાં?
આ મોનસૂન ફેસ્ટિવલ દરમિયાન કેટલાક કાર્યક્રમ અને પ્રવૃતિઓનું આયોજન કરવામાં આવશે જેમાં સાંસ્કૃતિક કાર્યક્રમ, બોટ રેસ, ટ્રેકિંગ(ગાઈડની સાથે), ડાંગી આદિવાસી ડાન્સ શૉ, મેજિક શૉ અને અન્ય એડવેન્ચરવાળી પ્રવૃતિઓ જેવી કે પેરાગલાઈડિંગ, બોટિંગ, વોટર ઝોરબિંગ, સેગવે રાઈડ્સ અને ઝીપલાઈનીંગ. આ સિવાય,

• રેઈન રન મેરેથોન
• વિવિધ સ્પર્ધાઓ જેવી કે દહીં હાન્ડી સ્પર્ધા
• આર્ટગેલેરીનું પ્રદર્શન
• લોકલ આર્ટિસ્ટનું પર્ફોર્મન્સ
• ઓપન નેચર વૉક
• નેચર ટ્રેઝર હન્ટ
• મોનસૂન થીમ ડેકોરેશન વગેરે પણ આ ફેસ્ટિવલમાં આકર્ષણનું કેન્દ્ર બનશે.

ક્યાં થશે આ ફેસ્ટિવલ?
સાપુતારા મોનસૂન ફેસ્ટિવલને સાપુતારા મેઘ મલ્હાર પર્વ તરીકે પણ ઓળખવામાં આવે છે. આ વાર્ષિક પર્વની ઊજવણી 
સાપુતારા લેક, બોટ હાઉસ ગ્રાઉન્ડ વિસ્તારમાં કરવામાં આવશે. માત્ર સાપુતારા જ નહીં પરંતુ અહીં તમે ડોન હિલ સ્ટેશન, ગીરા વૉટરફોલ, ગીરમલ વૉટરફોલ, વાગાઈ બોનાટીકલ ગાર્ડન અને અન્ય સુંદર સ્થળોની પણ યાત્રીકો મુલાકાત લઈ શકશે. 

વધુ માહિતી તમે ગુજરાત ટૂરિઝમની આ લિંક પરથી મેળવી શકશો. https://www.gujarattourism.com/fair-and-festival/saputara-monsson-festival.html