ભારે ગરમીની અસર લોકોના જીવન પર પડી રહી છે. લોકો ભીષણ ગરમીને કારણે બીમાર પણ પડી રહ્યા છે. કેટલાક લોકોના હીટ વેવના કારણે મોત પણ થયા છે. જો તમે ઘરની બહાર નીકળો છો અને લાંબા સમય સુધી પાણી નથી પીતા તો શરીરમાં અશક્તિ જેવુ મેહસૂસ થાય છે. એવુ લાગે છે કે શરીરમાં એનર્જી જ નથી રહી. તેના કારણે તમે ડિહાઈડ્રેશનનો શિકાર બની શકો છો. આવી સ્થિતિમાં તમારા શરીરના અંદરના અંગોને નુકસાન પહોંચી શકે છે. આ કારણોસર વ્યક્તિનું મોત થઈ શકે છે. યુપી અને બિહારમાં હીટ વેવના કારણે મોતની ખબર પણ સામે આવી ચુકી છે.
આ ભીષણ ગરમીમાં અનેક લોકો ડિહાઈડ્રેશનનો શિકાર બની શકે છે. જ્યારે ડિહાઈડ્રેશનની સમસ્યા થાય ત્યારે શરીરમાં પાણીની સાથે સાથે જરુરી વિટામિન અને મિનરલ્સનું પણ પ્રમાણ ઘટી જાય છે. તેના કારણે શરીરના અંગોને નુકસાન થવાનો ખતરો વધી જાય છે.
હ્રદયને થાય છે અસર
ગરમીમાં ડિહાઈડ્રેશનના કારણે હ્રદયને ખરાબ અસર થઈ શકે છે. શરીરના તાપમાનને રેગ્યુલેટ કરવા લોહીને પંપ કરવા માટે હ્રદય પર વધુ ભાર પડે છે. તેના કારણે હ્રદય પર અસર પડે છે.
કિડનીને થઈ શકે છે નુકસાન
ડિહાઈડ્રેશનથી કિડની પર લોડ વધે છે. તેના કારણે કિડનીને નુકસાન થવા લાગે છે. જે લોકોને કિડનીમાં સ્ટોનની સમસ્યા છે તેમની પથરી હીટ વેવમાં મોટી થઈ શકે છે.
અસ્થમાનું પણ જોખમ વધે છે
જે લોકો અસ્થમાના પેશન્ટ છે તેઓ માટે હીટ વેવ મુશ્કેલી વધારી શકે છે. જ્યારે હવાની ક્વોલિટી ખરાબ થાય છે ત્યારે તેની અસર ફેફસા પર પડે છે. ગરમીની અસર પાચનશક્તિ પર પણ પડી શકે છે. ડાઈઝેસ્ટિવ સિસ્ટમ ખરાબ થઈ શકે છે.
વાંચવા જેવું: બાળકો માટે પાણીની બોટલ અને લંચ બોક્સ ખરીદતી વખતે રાખો ધ્યાન, સસ્તી વસ્તુથી બીમારીનું જોખમ
બચાવ માટે કરો આ ઉપાય
જ્યારે બહાર નીકળો ત્યારે વારંવાર પાણી પીવો, શરીરમાં પાણીની અછત ન થવા દો. આવી ગરમીમાં દારુનું સેવન તો બીલકુલ ન કરો, તેનાથી ડિહાઈડ્રેશન થઈ શકે છે. બહાર નીકળો ત્યારે ઢીલા, કોટનના અને વજનમાં હલ્કા કપડા પહેરો.
Disclaimer: અહીંયા જણાવેલ નુસ્ખા અને સલાહો કોઈ દવા અને ઈલાજનો વિકલ્પ નથી જેથી તેને અપનાવતા પહેલા ડૉક્ટર કે બીજા કોઈ એક્સપર્ટની સલાહ જરૂરથી લેવી
