BIG NEWS / તેરા ભી મૂસેવાલા....: સંજય રાઉતને લોરેન્સ બિશ્નોઇ ગેંગના નામે અપાઇ ધમકી

• સંજય રાઉતને મળી જાનથી મારી નાખવાની ધમકી 
• મહારાષ્ટ્રના રાજ્યસભા સાંસદ અને ઉદ્ધવ જૂથના નેતા છે સંજય રાઉત
• એક ઇસમે 'તેરા ભી મુસેવાલા કર દૂંગા' એવો મેસેજ કર્યો 

મહારાષ્ટ્રના રાજ્યસભા સાંસદ અને ઉદ્ધવ જૂથના નેતા સંજય રાઉતને જાનથી મારી નાખવાની ધમકી મળી છે. વાત જાણે એમ છે કે, ધમકી આપનાર વ્યક્તિએ 'તેરા ભી મુસેવાલા કર દૂંગા' એવો મેસેજ કર્યો હતો. આ સાથે દાવો કરવામાં આવે છે કે, સંજય રાઉતને લોરેન્સ બિશ્નોઈ ગેંગ તરફથી કથિત રીતે જાનથી મારી નાખવાની ધમકીઓ મળી છે. સંજય રાઉતને એક મેસેજમાં કહેવામાં આવ્યું હતું કે, જો તમે દિલ્હીમાં મળી આવ્યા તો હું તમને એકે 47થી ઉડાડી દઈશ, તમે મુસેવાલા બની જશો. સલમાન ઔર તુ ફિક્સ.

સંજય રાઉતને એક મેસેજમાં કહેવામાં આવ્યું હતું કે, જો તમે દિલ્હીમાં મળી આવ્યા તો હું તમને એકે 47થી ઉડાડી દઈશ, તમે મુસેવાલા બની જશો. સલમાન ઔર તુ ફિક્સ. ગયા વર્ષે ડિસેમ્બરમાં પણ રાઉતને જાનથી મારી નાખવાની ધમકી મળી હતી. ત્યારબાદ તેણે દાવો કર્યો હતો કે આ ધમકી કન્નડ રક્ષા વેદિકા નામની સંસ્થા તરફથી આવી છે.

Maharashtra | Shiv Sena (Uddhav Thackeray) leader & RS MP Sanjay Raut received a threat message from Lawrence Bishnoi gang mentioning murdering him like Punjabi Singer Sidhu Moose Wala in Delhi. Sanjay Raut has filed a complaint. Police are conducting probe: Police

(File Pic) pic.twitter.com/LXMQKP1fp1

— ANI (@ANI) April 1, 2023

સલમાનને પણ ધમકી અપાઈ હતી ધમકી 
થોડા દિવસો પહેલા બોલિવૂડ સ્ટાર સલમાન ખાનને ફરીથી લોરેન્સ ગેંગ દ્વારા ધમકી આપવામાં આવી હતી. જે બાદ કેસ નોંધાયા બાદ મુંબઈ પોલીસે તેની સુરક્ષા વધારી દીધી છે. આ પહેલા પણ સલમાનને લોરેન્સ બિશ્નોઈ ગેંગ તરફથી ધમકીઓ મળી હતી અને તેણે તેના પર હુમલો કરવાની યોજના બનાવી હતી. ગયા અઠવાડિયે લખનૌની પ્રખ્યાત જ્વેલરી શોપ ખુન ખુન જી જ્વેલર્સના માલિક ઉત્કર્ષ અગ્રવાલ પાસેથી ગેંગસ્ટર લોરેન્સ બિશ્નોઈ અને ગોલ્ડી બ્રારના નામે ખંડણી માંગવામાં આવી હતી. તેના નંબર પર વોટ્સએપ કોલ આવ્યો હતો અને ફોન કરનારે 30 લાખ રૂપિયાની માંગણી કરી હતી.