અપડેટ / આટલી હોઇ શકે છે દુનિયાના પહેલા 5G Samsung Galaxy S10 5G ની કિંમત

સાઉથ કોરિયન ટેક કંપની સેમસંગ દુનિયાનો પહેલો ફોલ્ડેબ  સ્માર્ટફોન Galaxy Fold લાવ્યા બાદ 5G એન્ડ્રૉઇડ ફોન લાવવા જઇ રહી છે. સેમસંગે પોતાની એસ સીરિઝના 5G સ્માર્ટફોન Samsung Galaxy S10 5G નું લૉન્ચિંગ કન્ફર્મ કરી દીધું છે. સેમસંગનો આ ફોન કંપનીની હોમ કન્ટ્રીમાં 5 એપ્રિલે લૉન્ચ થઇ રહ્યો છે. સેમસંગના સૂત્રોએ જણાવ્યું છે કે સેમસંગ ટેલિકૉમ ઑપરેટર્સની સાથે મળીને 5G ડેવલપમેન્ટ પર કામ કરી રહ્યું છે. 

દુનિયાના પહેલા 5G સ્માર્ટફોનની વાત કરીએ તો સેમસંગ Samsung Galaxy S10 5G ની કિંમત 256GB વેરિયન્ટ માટે 1,397000 સાઉથ કોરિયન વૉન એટલે કે આશરે 85240 રૂપિયાની કિંમતનો થાય છે. અને 512GB સ્ટોરેજ વેરિયન્ટચ માટે 1556500 સાઉથ કોરિયન વૉન એટલે કે આશરે 94,970 રૂપિયા હોઇ શકે છે. આ 5G ડિવાઇસ ત્રણ કલર ઋપ્શન મજેસ્ટિક બ્લેક, રૉયલ ગોલ્ડ અને ક્રાઉન સિલ્વરમાં એવેલેબલ હશે. 

સેમસંગ એપ્રિલમાં જ યૂએસમાં પણ Samsung Galaxy S10 5G લૉન્ચ કરી શકે છે. સેમસંગનો આ સ્માર્ટફોન હાલ Verizon ની સાથે જ અવેલેબલ હશે અને ટેલિકૉમ કંપનીએ જાહેરાત કરી છે કે એની 5G સર્વિસ 11 એપ્રિલે રોલઆઉટ થશે. જો કે ભારતમાં ક્યારે લૉન્ચ થશે એની જાહેરાત થઇ નથી. જો કે હુવાવે આ વર્ષે પોતાનો Mate X ભારતમાં લૉન્ચ કરી શકે છે.