બોલિવુડ / સલમાનના ઘર પર ફાયરિંગ કેસમાં ખુલ્યું પુર્તગાલ કનેક્શન, થયો ચોંકાવનારો ખુલાસો

સલમાન ખાનના ઘરે થયેલી ફાયરિંગનાં કેસમાં વધુ એક નવું અપડેટ સામે આવ્યું છે. 14 એપ્રિલના રોજ ગેલેક્સી એપાર્ટમેન્ટની બહાર બનેલી ઘટના બાદ ક્રાઈમ બ્રાન્ચે સોમવારે 15 એપ્રિલે તપાસ બાદ બે શકમંદોની અટકાયત કરી હતી. તે જ સમયે, હવે પોલીસને અનમોલ બિશ્નોઈના આઈપી એડ્રેસને ટ્રેસ કરવામાં સફળતા મળી છે. તેઓએ શોધી કાઢ્યું છે કે ફેસબુક પોસ્ટ ક્યાંથી કરવામાં આવી હતી, જેમાં ઘટનાની જવાબદારી લેવાનો ઉલ્લેખ કરવામાં આવ્યો હતો.

એક વરિષ્ઠ પોલીસ અધિકારીએ સોમવાર, 15 એપ્રિલના રોજ જણાવ્યું કે બોલિવૂડ અભિનેતા સલમાન ખાનના મુંબઈના નિવાસસ્થાને ગોળીબારની જવાબદારી સ્વીકારતી ફેસબુક પોસ્ટનું આઈપી એડ્રેસ પોર્ટુગલનું હોવાનું જાણવા મળ્યું છે. તેમણે કહ્યું કે પોલીસને શંકા છે કે જેલમાં બંધ ગેંગસ્ટર લોરેન્સ બિશ્નોઈના ભાઈ અનમોલ બિશ્નોઈ દ્વારા રવિવાર, 14 એપ્રિલના રોજ ફેસબુક પોસ્ટ અપલોડ કરવા માટે VPN (વર્ચ્યુઅલ પ્રાઈવેટ નેટવર્ક)નો ઉપયોગ કરવામાં આવ્યો હતો.

ફેસબુક પોસ્ટનું IP એડ્રેસ ક્યાંનું છે?

ગોળીબારની જવાબદારી સ્વીકારતી એક ફેસબુક પોસ્ટ 14 એપ્રિલે સવારે 11 વાગ્યાની આસપાસ સામેલ આવી, જેના કેટલાક કલાકો પહેલા બે અજાણ્યા બાઇક સવારોએ સવારે 5 વાગ્યે ખાનના ગેલેક્સી એપાર્ટમેન્ટમાં ગોળીબાર કર્યો હતો. અધિકારીએ કહ્યું, FB પોસ્ટનું IP એડ્રેસ પોર્ટુગલનું હોવાનું જાણવા મળ્યું છે. અમે તેની તપાસ કરી રહ્યા છીએ.

હુમલાખોરોએ ગોળીબાર કર્યાના થોડા દિવસો પહેલા કરી હતી રેકી 

તે ફેસબુક પોસ્ટમાં લખ્યું હતું કે સલમાન ખાન, અમે તમને ટ્રેલર બતાવવા માટે આ કર્યું જેથી તમે અમારી તાકાત સમજી શકો. આ છેલ્લી ચેતવણી છે અને આ પછી ખાલી ઘર પર ગોળીબાર નહીં થાય. અધિકારીના જણાવ્યા મુજબ, શૂટરોએ થોડા દિવસો પહેલા બાંદ્રા સ્થિત સલમાન ખાનના ઘરની બહાર રેકી કરી હતી. પોલીસ ગેલેક્સી એપાર્ટમેન્ટ નજીકના વિસ્તારના સીસીટીવી ફૂટેજની પણ તપાસ કરી રહી છે કે શું શૂટર્સ એ ભીડનો ભાગ હતા કે જેઓ 11 એપ્રિલે ઈદ પર અભિનેતાની એક ઝલક જોવા માટે ત્યાં એકઠા થયા હતા.

વધુ વાંચો: 6 જ વર્ષમાં પાંચ-પાંચ વાર ધમકી, 2 શૂટર્સની ધરપકડ..., જુઓ ધમકીથી લઇને ફાયરિંગ સુધીની સલમાનની Inside Story

સલમાન ખાનની સુરક્ષા વધારી દેવામાં આવી 

દરમિયાન, ખતરાની ધમકીને ધ્યાનમાં રાખીને ગેલેક્સી એપાર્ટમેન્ટમાં સુરક્ષા વધારી દેવામાં આવી છે. અધિકારીએ કહ્યું કે અભિનેતાને Y+ સુરક્ષા છે, પરંતુ ગોલીબાદની ઘટના બાદ તેની સુરક્ષા કરતા પોલીસકર્મીઓની સંખ્યામાં વધારો કરવામાં આવ્યો છે. તેણે કહ્યું કે અભિનેતાના ઘરની બહાર જતી વખતે પોલીસ પણ સાવચેતી રાખી રહી છે. જ્યારે પણ સલમાન ખાન ફિલ્મના શૂટિંગ માટે બહાર જશે ત્યારે સાવચેતી રાખવામાં આવશે. SPU (સ્પેશિયલ પોલીસ યુનિટ) વાહન ગેલેક્સી એપાર્ટમેન્ટની બહાર ઊભું રહેશે. સાવચેતીના પગલારૂપે એપાર્ટમેન્ટની બહાર સ્થાનિક પોલીસ પણ તૈનાત છે અને પેટ્રોલિંગ વધારી દેવામાં આવ્યું છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો