મનોરંજન / 'જ્યારે મારી નાંખીશું ત્યારે ખ્યાલ આવશે, આવું બોલનારા લોકો જોડે....', ફાયરિંગ કેસમાં આ શું બોલ્યા સલમાનના પિતા

બોલિવૂડ એક્ટર સલમાન ખાન પર ફાયરિંગ કેસમાં મુંબઈ ક્રાઇમ બ્રાન્ચે બંને આરોપીઓની ધરપકડ કરી લીધી છે. દરમિયાન, મહારાષ્ટ્રના સીએમ એકનાથ શિંદે મંગળવારે સલમાન ખાનને તેમના ઘરે મળ્યા. ફાયરિંગ કેસને લઈને સલમાનના પિતા સલીમ ખાને કહ્યું કે, આ મામલો પોલીસ પાસે છે, અમને કહેવામાં આવ્યું છે કે આ અંગે કોઈની સાથે વાત ન કરો અને કોઈને ઈન્ટરવ્યુ ન આપો.

 

 

 

 

View this post on Instagram

 

 

 

 

 

 

 

 

 

 

 

A post shared by Salman Khan (@beingsalmankhan)

સલીમ ખાને કહ્યું કે પોલીસે સલમાન અને તેના પરિવારને વધારાની સુરક્ષા પૂરી પાડી છે. જ્યારે તેને પૂછવામાં આવ્યું કે શું સલમાન તેનું કામ ચાલુ રાખશે તો તેના પિતાએ કહ્યું કે પોલીસે ખાતરી આપી છે કે સલમાન કોઈપણ ચિંતા કર્યા વગર પોતાનું કામ કરી શકે છે. પોલીસ પોતાનું કામ કરી રહી છે.

સલમાનના પિતા સલીમ ખાને કોઈનું નામ લીધા વિના કહ્યું કે આવા અભણ લોકો સાથે શું વાત કરવી, જે કહે છે કે જયારે મારી નાખશે ત્યારે ખબર પડશે. એવા મૂર્ખ માણસ છે. તેમણે કહ્યું કે પોલીસે અમારી સુરક્ષાની જવાબદારી લીધી છે. જો સલમાન ઘરની બહાર જશે તો પોલીસકર્મીઓ તેની સાથે રહેશે.

 

 

 

 

View this post on Instagram

 

 

 

 

 

 

 

 

 

 

 

A post shared by Salman Khan (@beingsalmankhan)

સીએમ શિંદેએ સુરક્ષાની ખાતરી આપી

તમને જણાવી દઈએ કે મુખ્યમંત્રી એકનાથ શિંદેએ ફાયરિંગની ઘટનાને ધ્યાનમાં રાખીને સલમાન અને તેના પરિવારના સભ્યોને કડક સુરક્ષાનું આશ્વાસન આપ્યું છે. શિંદેએ જેલમાં બંધ ગેંગસ્ટર લોરેન્સ બિશ્નોઈને પણ ચેતવણી આપી છે. સીએમ એકનાથ શિંદેએ કહ્યું કે હું સલમાન ખાનને મળ્યો અને તેમને ખાતરી આપી કે સરકાર તેમની સાથે છે. મેં પોલીસને આ મામલે તાત્કાલિક કાર્યવાહી કરવાની પણ સૂચના આપી છે. આ કેસમાં બે આરોપીઓની ધરપકડ કરવામાં આવી છે અને તેમની પૂછપરછ કરવામાં આવી રહી છે.

વધુ વાંચો: 'સલમાનને મારી નાખવા જ કર્યું હતું ફાયરિંગ', ભુજથી ઝડપાયેલા હુમલાખોરોનો ઘટસ્ફોટ

ફાયરિંગને લઈને લોરેન્સ બિશ્નોઈ ગેંગ પર શંકા

સલમાન ખાનના ઘરની બહાર થયેલા ફાયરિંગમાં લોરેન્સ બિશ્નોઈ ગેંગ સામેલ હોવાનું કહેવાય છે. જ્યારે સીએમ શિંદેને આ અંગે પ્રશ્ન પૂછવામાં આવ્યો ત્યારે તેમણે કહ્યું કે મહારાષ્ટ્રમાં હજુ પણ ગેંગ બચી છે. અમે બધાને ઉખેડી નાખીશું. ગેંગ અને ગુંડાઓને તેમની મનમરજી મુજબ કરવા દેવામાં આવશે નહીં. આ મહારાષ્ટ્ર છે, અહીં કોઈ ગેંગ નથી બચી. અમે તમામ ટોળકી અને ગુંડાઓને જડમૂળથી ઉખેડી નાખીશું. અહીં ગુંડાગીરી ચાલવા દેવામાં આવશે નહીં. પકડાયેલા આરોપીઓની પૂછપરછ કરવામાં આવી રહી છે. કડક કાર્યવાહી કરવામાં આવશે. મેં પોલીસ કમિશનરને સલમાન ખાન અને તેના પરિવારને સુરક્ષા આપવાનો પણ નિર્દેશ આપ્યો છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો