સ્પોર્ટ્સ / સચિન તેંડુલકરના પુત્ર અર્જુન તેંડુલકરે કરી સગાઈ, જાણો કોણ છે ફિયાન્સી

ભારતીય ટીમના ભૂતપૂર્વ કેપ્ટન અને આંતરરાષ્ટ્રીય ક્રિકેટમાં પોતાની અલગ ઓળખ બનાવનાર સચિન તેંડુલકરના પુત્ર અર્જુન તેંડુલકરની સગાઈ થઈ ગઈ છે. અર્જુન તેંડુલકરની સગાઈ રવિ ઘાઈની પૌત્રી સાનિયા ચંડોક સાથે થઈ છે. અર્જુન અને સાનિયાની સગાઈ એક ખાનગી સમારોહમાં થઈ હતી. બંને પરિવારના નજીકના સભ્યો અને મિત્રોએ સગાઈમાં હાજરી આપી હતી. ઘાઈ પરિવાર મુંબઈનો એક મોટો અને પ્રખ્યાત બિઝનેસ પરિવાર છે. તેઓ ઇન્ટરકોન્ટિનેન્ટલ મરીન ડ્રાઇવ હોટેલ અને બ્રુકલિન ક્રીમરી (લો-કેલરી આઈસ્ક્રીમ બ્રાન્ડ) ના માલિક છે.

ઇન્ડિયન પ્રીમિયર લીગ (IPL) 2025 માં અર્જુન તેંડુલકરનું પ્રદર્શન ખૂબ જ મર્યાદિત રહ્યું કારણ કે તેને આખી ટુર્નામેન્ટમાં એક પણ મેચ રમવાની તક મળી ન હતી. મુંબઈ ઇન્ડિયન્સ (MI) એ તેને મેગા ઓક્શનમાં 30 લાખ રૂપિયાના બેઝ પ્રાઈસ પર રિટેન કર્યો હતો, પરંતુ ટીમ મેનેજમેન્ટે તેને પ્લેઇંગ ઈલેવનમાં સામેલ કર્યો ન હતો. આ કારણે, તેના નામે કોઈ રન, વિકેટ કે અન્ય આંકડા નોંધાઈ શક્યા નહીં અને તેની આખી સીઝન બેન્ચ પર વિતાવી.

વધુ વાંચો: નેશનલ સ્પોર્ટ્સ ગવર્નન્સ બિલ 2025 રાજ્યસભામાંથી પસાર, થશે આ 5 મોટા ફેરફાર

અર્જુન તેંડુલકરે અત્યાર સુધીમાં 17 ફર્સ્ટ ક્લાસ, 18 લિસ્ટ-A અને 24 ટી-20 મેચ રમી છે. ફર્સ્ટ ક્લાસ મેચોમાં અર્જુને 33.51 ની સરેરાશથી 37 વિકેટ લીધી છે. જ્યારે તેણે 23.13 ની સરેરાશથી 532 રન બનાવ્યા છે. લિસ્ટ-A ક્રિકેટમાં, અર્જુનના નામે 25 વિકેટ (સરેરાશ 31.2) અને 102 રન (સરેરાશ 17) છે.

અર્જુન તેંડુલકરનો IPL રેકોર્ડ કેવો છે?

T20 ક્રિકેટમાં, 25 વર્ષીય અર્જુન તેંડુલકરે 25.07 ની સરેરાશથી 27 વિકેટ લીધી છે. તેણે 13.22 ની સરેરાશથી 119 રન પણ બનાવ્યા છે. અર્જુન ઘરેલુ ક્રિકેટમાં ગોવા ટીમનો ભાગ છે. અગાઉ, તે મુંબઈ માટે રમતો હતો. જોવામાં આવે તો, અર્જુને IPLમાં મુંબઈ ઈન્ડિયન્સ (MI) માટે અત્યાર સુધી 5 મેચ રમી છે, જેમાં તેના નામે 3 વિકેટ અને 13 રન છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ