- ભારતીય ક્રિકેટ ટીમ માટે વેસ્ટઈન્ડિઝનો પ્રવાસ મહત્વનો
- ભારત અને વેસ્ટ ઈન્ડિઝ વચ્ચે આવતીકાલથી ટેસ્ટ સીરીઝનો થશે પ્રારંભ
- પહેલી ટેસ્ટ મેચ પહેલા કેપ્ટન રોહિત શર્મા દ્વારા ફેરફાર કરાયો
ભારત અને વેસ્ટ ઈન્ડિઝ વચ્ચે બે મેચની ટેસ્ટ સીરીઝની પહેલી મેચ 12 જુલાઈ એટલે કે આવતીકાલથી ટેસ્ટ સીરીઝ શરૂ થવા જઈ રહી છે. આ મેચને લઈને બંને ટીમો એકદમ ઉત્સાહિત છે. ટીમ ઈન્ડિયા વર્લ્ડ ટેસ્ટ ચેમ્પિયનશિપની ફાઈનલમાં ઓસ્ટ્રેલિયાની હારને ભુલીને મેદાન પર ઉતરવાની તૈયારીમાં છે. ત્યારે મેચ પહેલા કોચ રાહુલ દ્રવિડ તેમજ કેપ્ટન રોહિત શર્માંનો એક ચોંકાવનારો નિર્ણય સામે આવ્યો છે.
વેસ્ટ ઈન્ડિઝનાં પ્રવાસ પર ભારતીય ટીમનાં શાનદાર ઓપનીંગ બેટ્સમેન શુભમન ગિલે પોતાનું સ્થાન ખોવું પડશે. ત્યારે ફેરફારનો સંકેત આપતા કેપ્ટન રોહિત શર્માએ આ વાતની સ્પષ્ટતા કરી છે કે ટેસ્ટ શ્રેણીની પહેલી મેચમાં યશસ્વી જયસ્વાલનું ઓપનીંગ બેટ્સમેન તરીકે જવાનું નક્કી છે. ત્યારે યશસ્વી જયસ્વાલને મેચની શરૂઆત કરવાની તક મળશે. તેમજ ઓપનિંગમાં અત્યાર સુધી સારુ પ્રદર્શન કરનાર શુભમન ગિલ ત્રીજા નંબરે બેટીંગ કરશે.
શુભમન ગિલે છેલ્લા કેટલાક મહિનાઓમાં ઓપનીંગ બેટ્સમેન તરીકે ત્રણેય ફોર્મેટમાં જોરદાર પ્રદર્શન કર્યું છે. ટેસ્ટમાં સદીની શરૂઆતો થયા બાદ શુભમન ગિલે વન ડે ક્રિકેટમાં પણ બેવડી સદી ફટકારી હતી. ત્યા બાદ ફરી T20 ક્રિકેટમાં પણ શાનદાર સદી ફટકારી હતી. શુભમન ગિલનાં આ શાનદાર પ્રદર્શન બાદ પણ તેને સેટ થઈ ગયેલી જગ્યા પરથી હટાવવાનો નિર્ણય કરવામાં આવ્યો છે.
.JPG)
ભારતીય ટીમનાં યુવાન ઓપનીંગ બેટ્સમેન શુભમન ગિલે પાછળની મેચોમાં શાનદાર પ્રદર્શન કર્યું હતું. ત્યારે 23 વર્ષની ઉંમરમાં 7 મી સદી ફટકારી હતી. અમદાવાદમાં ટેસ્ટ મેચમાં ઓસ્ટ્રેલિયા સામે ગિલે ધુંઆધાર પ્રદર્શન કરતા સદી ફટકારી હતી. 23 વર્ષીય ગિલે 7 આંતરરાષ્ટ્રીય સદી ફટકારતા 6 સદી ફટકારી યુવરાજસિંહને પાછળ કરી દીધા હતા.
