નાસભાગ / મોતનો રોડ શો ! પૂર્વ CM નાયડૂની સભામાં બીજી વાર મચી નાસભાગ, 3ના મોત, પહેલીવારમાં 9ના મોત |

• આંધ્રપ્રદેશના પૂર્વ મુખ્યમંત્રી ચંદ્રબાબુ નાયડુના રોડ શોમાં ફરી નાસભાગ
• નાસભાગમાં 3 લોકોના મોત જ્યારે 1 વ્યક્તિ ઘાયલ
• 28 ડિસેમ્બરના રોજ પણ રેલીમાં ભાગદોડ મચી હતી

 આંધ્રપ્રદેશના પૂર્વ મુખ્યમંત્રી અને તેલુગુ દેશમ પાર્ટી (ટીડીપી)ના સુપ્રીમો ચંદ્રબાબુ નાયડુના રોડ શોમાં ફરી એકવાર નાસભાગ. ગુંટુરમાં રેલી દરમિયાન નાસભાગમાં 3 લોકોના મોત થયા છે. જ્યારે 1 વ્યક્તિ ઘાયલ છે.તાજેતરમાં 28 ડિસેમ્બરના રોજ કંદુકુરમાં નાયડુની રેલીમાં આવી જ એક ઘટના બની હતી, જેમાં 8 લોકોના મોત થયા હતા.
જણાવવામાં આવી રહ્યું છે કે ચંદ્રબાબુ નાયડુની રેલી ગુંટુરના વિકાસ નગર પહોંચી હતી. અહીં સંક્રાંતિ ભેટ કાર્યક્રમનું આયોજન કરવામાં આવ્યું હતું. આ દરમિયાન નાસભાગ મચી ગઈ હતી. સ્થાનિક લોકોનો આરોપ છે કે છેલ્લા 10 દિવસથી TDP નેતાઓના પ્રચારને કારણે મોટી સંખ્યામાં મહિલાઓ રેલીમાં ભાગ લેવા લાગી છે.

આ ઘટના 28 ડિસેમ્બરની સાંજે બની હતી. ચંદ્રબાબુ નાયડુ કંદુકુરમાં રોડ શો કરી રહ્યા હતા. જ્યારે તેમનો કાફલો ગુડમ ગટર કેનાલને પાર કરી રહ્યો હતો ત્યારે ઘણા કામદારો કેનાલમાં પડ્યા હતા. જેના કારણે ત્રણ લોકોનું ગૂંગળામણથી ઘટનાસ્થળે જ મોત નીપજ્યું હતું અને અન્ય બે લોકોનું હોસ્પિટલ લઈ જતી વખતે મોત થયું હતું. આ સિવાય બાકીના લોકોનું પાછળથી મોત થયું હતું.

Andhra Pradesh | Three people died and several were injured during a public meeting held by TDP leader N Chandrababu Naidu in Guntur district: Arif Hafeez, SP Guntur

8 people died recently in a stampede in Nellore during a public meeting by N Chandrababu Naidu. pic.twitter.com/9N1aU1gcjd

— ANI (@ANI) January 1, 2023

રોડ-શો માં ધક્કા મુક્કી થતા સર્જાઈ દુર્ઘટના
મળતી માહિતી મુજબ રોડ શો દરમિયાન મોટી સંખ્યામાં લોકો એકઠા થઈ ગયા હતા અને ધક્કા-મુક્કી શરૂ કરી દીધી હતી, જેના કારણે કેનાલમાં નાસભાગ જેવી સ્થિતિ સર્જાઈ હતી અને ઘણા લોકો કેનાલમાં પડી ગયા હતા. નાયડુએ અકસ્માત બાદ તરત જ તેમની મીટિંગ રદ કરી દીધી હતી. તેમણે મૃતકના પરિવારજનોને 10 લાખ રૂપિયા આપવાની જાહેરાત કરી હતી. તેમણે પક્ષના નેતાઓને ઘાયલોની સારી સારવાર સુનિશ્ચિત કરવા પણ કહ્યું.

પ્રવાસ દરમ્યાન ખેડૂતો સાથે વાતચીત કરી
જણાવી દઈએ કે ચંદ્રબાબુ નાયડુ 28 થી 30 ડિસેમ્બર સુધી નેલ્લોર જિલ્લાના વિવિધ વિસ્તારોના પ્રવાસ પર હતા. આ દરમિયાન, તેમણે જિલ્લાના કંદુકુર, કાવલી અને કોવુર મતવિસ્તારમાં વિવિધ કાર્યક્રમોમાં ભાગ લીધો હતો. તેમણે તાજેતરમાં કંદુકુરમાં ચક્રવાત મંડૌસના કારણે અસરગ્રસ્ત ખેડૂતો સાથે વાતચીત કરી હતી.