- વૉકિંગ કરવાથી શરીરને મળે છે અનેક ફાયદા
- વૉક કરતાં સમયે કેટલીક બાબતોનું ધ્યાન રાખવું
- નહીંતર ફાયદાની જગ્યાએ નુક્સાન પણ થઈ શકે છે
શરીરને સ્વસ્થ અને ફીટ રાખવા માટે આજકાલ મોટી સંખ્યામાં લોકો કસરત અને વર્કઆઉટ કરે છે. ઘણાં લોકો એવા પણ છે જે હેવી વર્ક આઉટનાં કારણે સવાર-સાંજ વૉક પર નિકળી જાયે છે. વૉકિંગ પણ ફિટનેસ માટે ઉત્તમ માનવામાં આવે છે. જો કે વૉકિંગનો ફાયદો ત્યારે જ મળી શકે છે જ્યારે તેને યોગ્ય રીતે કરવામાં આવે. તેથી જ્યારે પણ વૉક પર નિકળો ત્યારે નીચે આપેલી કેટલીક બાબતોનું ચોક્કસથી ધ્યાન રાખજો.
શરીરનું સાચું પોશ્ચર
વૉક કરવાનો ફાયદો ઊઠાવવા ઈચ્છો છો તો સૌથી પહેલા બોડી પોશ્ચરમાં સુધાર કરવો જોઈએ. વૉક કરતાં સમયે ક્યારે શરીરને નીચેની તરફ નમાવવું ન જોઈએ. તેનાથી પીઠમાં ખેંચાણ આવે છે અને સંતુલન બગડે છે.
હાથોને સ્વિંગ કરવું
ઘણાં લોકોને આદત હોય છે કે પગે ચાલતાં સમયે તેઓ પોતાનાં હાથોને સ્વિંગ નથી કરતાં. ચાલતાં સમયે હાથોને સ્વિંગ કરવું સારું માનવામાં આવે છે. તેનાથી શરીરનું સંતુલન જળવાઈ રહે છે.
ખોટા ફુટવેર પહેરવાં
વૉક કરવા માટે યોગ્ય ફુટવેર પહેરવું પણ જરૂરી હોય છે. જો યોગ્ય ફુટવેર પહેરીને વૉક ન કરવામાં આવે તો મુશ્કેલીઓ વધી શકે છે. તેના લીધે પેટ સાથે સંકળાયેલી સમસ્યાઓ પણ પેદા થઈ શકે છે અને પગમાં ચીરા પણ પડી શકે છે.
શરીરને હાઈડ્રેટ રાખવું
વૉક કરતાં સમયે શરીરને હંમેશા હાઈડ્રેટ રાખવું જોઈએ. પરિણામે થાક અને નબળાઈ આવતી નથી. શરીરને હાઈડ્રેટ ન રાખવાનાં કારણે સ્નાયુઓમાં થાક અને ખેંચાણ આવી શકે છે તેથી પાણી પીતા રહેવું જોઈએ.
નીચેની તરફ ન જોવું
કેટલાક લોકો વૉક કરતાં સમયે નીચેની તરફ નજર રાખે છે. તો કેટલાક મોબાઈલ ચલાવે છે. આ રીતે વૉ કરવાથી નુક્સાન થાય છે. પીઠ અને શરીરમાં દુ:ખાવો થઈ શકે છે.
