ભાવુક / VIDEO: રાજકોટના ડાયરામાં સર્જાયા કરૂણ દ્રશ્યો, ભજનસમ્રાટ નારાયણ સ્વામીને યાદ કરી રડી પડ્યા ગોપાલ સાધુ

• તોરણીયામાં લોકડાયરો યોજાયો
• લોકડાયરામાં કરૂણ દ્રશ્યો સર્જાયો
• ચાલુ ડાયરામાં લોકગાયક રડ્યા

રાજકોટના ધોરાજીના તોરણીયા ખાતે અષાઢી બીજે યોજાયેલા લોકડાયરામાં ભજન સમ્રાટ નારાયણ સ્વામીને યાદ કરીને લોકગાયક ગોપાલ સાધુ રડવા લાગ્યા હતા. લોકડાયરામાં નારાયણ સ્વામીની ભાવવંદના કરતી વખતે લોકગાયક ગોપાલ સાધુ ગળગળા થઈ ગયા હતા અને તેમની આંખોમાંથી આંસુઓ સરી પડ્યા હતા. જેનો વીડિયો સોશિયલ મીડિયા પર વાયરલ થયો છે. 

તોરણીયા ખાતે યોજાયો હતો લોકડાયરો
20 જૂનને અષાઢી બીજના રોજ તોરણીયા ખાતે આવેલા ધારેશ્વર મહાદેવના મંદિર ખાતે ભવ્ય લોકડાયરાનું આયોજન કરવામાં આવ્યું હતું. જેમાં મોટી સંખ્યામાં સાધુ-સંતો સહિતા આજુબાજુના ગામડાઓમાંથી લોકો ઉમટી પડ્યા હતા. લોકડાયરામાં ગોપાલ સાધુ અને બિરજુ બારોટે ભજનની રમઝટ બોલાવી હતી. આ દરમિયાન ડાયરામાં ભજન સમ્રાટ નારાયણ સ્વામીને યાદ કરતા જ લોકગાયક ગોપાલ સાધુ પોતાનું રુદન રોકી શક્ય ન હતા અને રડી પડ્યા હતા.

નારાયણબાપુને યાદ કરી રડી પડ્યા ગોપાલ સાધુ
ત્યાર બાદ ગોપાલ સાધુએ આસું લુંછીને નારાયણબાપુને યાદ કરીને ભજન 'ચતુરાઈ હવે શું કરું કવિતા કરી નથી, અંતરથી ઉપજાવીને આપી છે શુભ મતિ, મારી વૃત્તિએ તુજ શરણથી પાછી ફરે નહીં, આશા કરું છું આપની.'ગાયું હતું. આ ભજન સાંભળીને દરેક મંત્રમુગ્ધ થઈ ગયા હતા. 

ગોપાલ સાધુનો વીડિયો સોશિયલ મીડિયામાં વાયરલ