ટેલિકોમ સેક્ટરની જેમ બ્રોડબેન્ડ સેક્ટરમાં પણ કોમ્પિટિશન ઘણું જ વધી ગયું છે. આ જ કારણથી હવે તેમાં પણ ઘણાં ફેરફાર થવા લાગ્યા છે. જેમાં સૌથી પહેલાં રિલાયન્સ જિયો ફાઈબરે ફેરફાર કરવાના શરૂ કરી દીધા છે. એક રિપોર્ટ મુજબ, કેટલાક યુઝર્સે ટ્વિટર પર કહ્યું કે, જિયો ફાઈબરે કનેક્શનની સાથે મળતી ઈન્ટરનેટ સ્પીડ ઓછી કરી નાખી છે. યુઝરે કહ્યું કે, જિયો ફાઈબર પર મળતી અપલોડ સ્પીડની લિમિટ હવે નક્કી કરી દેવામાં આવી છે. જોકે, પહેલાં પણ અપલોડ સ્પીડ કનેક્શન સમયે મળતી ડાઉનલોજ સ્પીડ કરતા ઓછી હતી, પરંતુ હવે યુઝર્સને સ્પીડ ઘણી ઓછી મળી રહી છે.
બ્રોડબેન્ડ સેક્ટરમાં પણ વધી હરીફાઈ
રિલાયન્સ જિયોએ ઈન્ટરનેટ સ્પીડમાં કર્યો ઘટાડો
90 ટકા જેટલી સ્પીડ ઘટવાથી યુઝર્સ થયા નિરાશ
90 ટકા જેટલી ઘટી સ્પીડ
ટ્વિટર પર યુઝરે લખ્યું કે, હવે જિયો ફાઈબર કનેક્શનની સાથે મળતી અપલોડ સ્પીડ ઓરિજિનલ સ્પીડની સરખામણીમાં માત્ર 10 જ ટકા રહી ગઈ છે. સરળ ભાષામાં સમજીએ તો હવે 100Mbps સ્પીડવાળો પ્લાન લેવા પર યુઝર્સને 10Mbps સ્પીડ મળી રહી છે.
અપલોડ સ્પીડ પર કેપિંગની અસર
આ વાત સમજવી જરૂરી છે કે જ્યારે પણ ઈન્ટરનેટ પ્રોવાઈડર યુઝરને ઈન્ટરનેટ કનેક્શન ઓફર કરે છે, ત્યારે ડાઉનલોડ અને અપલોડ સ્પીડ એક જ હોય છે. એવામાં જો કોઈ યુઝરે 100Mbpsની સ્પીડવાળો ડેટા પ્લાન લીધો છે તો તેને ડાઉનલોડ અને અપલોડ માટે 100Mbps સ્પીડ જ મળશે. જ્યારે ટ્વિટર યુઝરનું કહેવું છે કે, રિલાયન્સ જિયો ફાઈબરમાં થયેલાં ફેરફારથી તેમને કન્ટેન્ટ અપલોડ અને ડાઉનલોડ કરવામાં ઘણો ચેન્જ લાગી રહ્યો છે. તો હવે જિયો ફાઈબરના 1Gbps પ્લાનવાળા સબસ્ક્રાઈબર્સને 100Mbps અપલોડ સ્પીડ મળી રહી છે.
જે યુઝર ઘરમાં લાગેલાં જિયો ફાઈબર કનેક્શનનો ઉપયોગ ઓનલાઈન મલ્ટિપ્લેયર ગેમ રમવા માટે કરે છે તેઓ અપલોડ સ્પીડ ઘટવાને કારણે નિરાશ થશે. સાથે જ એવા યુઝર્સને પણ પરેશાની થશે જેઓ ઈન્ટરનેટ પર કન્ટેન્ટ અપલોડ કરે છે.
જિયો ફાઈબર હવે યુઝર્સથી પૈસા લઈ રહ્યું છે
રિલાયન્સ જિયો ફાઈબરે થોડાં દિવસ પહેલાં યુઝર્સથી પૈસા લેવાની શરૂ કરી દીધી છે. તેમાં નવા યુઝર્સની સાથે એવા યુઝર્સ પણ સામેલ છે જેમને કંપની પ્રિવ્યૂ ઓફરમાં જિયો ફાઈબરની ફ્રી સર્વિસ આપી રહી હતી. ફ્રી સર્વિસ આપવા પાછળનું કારણ કંપનીએ બિલિંગ સિસ્ટમ તૈયાર ન હોવી જણાવ્યું હતું. હવે આ સિસ્ટમ તૈયાર થઈ ગઈ છે. જેથી યુઝર્સે જિયો ફાઈબર સર્વિસ માટે પૈસા આપવા પડી રહી છે.