બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / ટેક અને ઓટો / Realmeએ ફરી વધારી કિંમતો! 16 Pro+ના અમુક વેરિઅન્ટ 4,000 રૂપિયા મોંઘા
7 ફોટો ગેલેરી
Last Updated: 10:38 PM, 19 August 2026
FOLLOW ON
શેર કરો
1/7
Realme સ્માર્ટફોન ખરીદનારાઓ માટે ફરી એકવાર ખરાબ સમાચાર છે. કંપનીએ ભારતમાં પોતાના અનેક ફોનની કિંમત વધારી દીધી છે. આ વખતે Realme 16 Pro+, Realme 16T, Realme C83 5G અને અમુક બીજા મોડલની કિંમતોમાં ફેરફાર થયો છે. 16 Pro+ પર સૌથી વધુ અસર જોવા મળી છે, જેના અમુક વેરિઅન્ટની કિંમત 4,000 રૂપિયા સુધી વધી છે. Realmeએ આ વર્ષે પહેલી વાર કિંમતો નથી વધારી. તે પહેલાં પણ કંપનીએ અનેક વાર પોતાના ફોન મોંઘા કર્યા છે. Realme 16 સિરીઝની કિંમતમાં પહેલાં પણ ફેરફાર થઈ ચૂક્યા છે. જૂન અને જુલાઈમાં પણ અલગ-અલગ મોડલ મોંઘા કરવામાં આવ્યા હતા.
આ તસવીર શેર કરો
2/7
સૌથી વધુ મોંઘો Realme 16 Pro+ આ સિરીઝનો સૌથી મોંઘો ફોન છે. તેની કિંમતમાં આ વર્ષે અનેક વાર વધારો થયો છે. જુલાઈમાં તેના બેઝ મોડલની કિંમત 49,999 રૂપિયા સુધી પહોંચી ગઈ હતી. આ ફોન શરૂઆતમાં 39,999 રૂપિયામાં લોન્ચ થયો હતો. એટલે કે લોન્ચ કિંમતની સરખામણીએ ફોન પહેલેથી જ ખૂબ મોંઘો થઈ ચૂક્યો છે.
આ તસવીર શેર કરો
3/7
જેમાં અલગ-અલગ સ્ટોરેજ વેરિઅન્ટની કિંમત પણ અલગ છે. 8GB RAM અને 128GB સ્ટોરેજવાળા મોડલની કિંમત 49,999 રૂપિયા સુધી પહોંચી ગઈ છે. 8GB અને 256GB વેરિઅન્ટની કિંમત 52,999 રૂપિયા સુધી ગઈ હતી, જ્યારે 12GB અને 256GB મોડલની કિંમત 55,999 રૂપિયા સુધી પહોંચી હતી. જે ફોનની શરૂઆત 40 હજાર રૂપિયા આસપાસ થઈ હતી તે હવે 50 હજાર રૂપિયા આસપાસ પહોંચી ગયો છે.
આ તસવીર શેર કરો
4/7
Realme 16T કંપનીનો વધુ એફોર્ડેબલ મોડલ છે. આ ફોન 8000mAh બેટરી અને 45W ચાર્જિંગ સાથે આવે છે. તેની વર્તમાન કિંમત અલગ-અલગ સ્ટોરેજ વેરિઅન્ટ મુજબ લગભગ 30 હજાર રૂપિયાથી શરૂ થાય છે. 8GB RAM અને 256GB સ્ટોરેજવાળો મોડલ આશરે 35 હજાર રૂપિયામાં મળી રહ્યો છે. એટલે કે આ ફોનની કિંમત પણ પહેલાંની સરખામણીએ વધી છે. જોકે અલગ-અલગ દુકાનો અને ઓનલાઈન સ્ટોર પર કિંમત અલગ દેખાઈ શકે છે.
આ તસવીર શેર કરો
5/7
Realme C83 5G કંપનીનો બજેટ ફોન છે. પરંતુ તેની કિંમતમાં પણ આ વર્ષે અનેક વાર વધારો થયો છે. આ ફોનના 4GB અને 64GB મોડલની કિંમત પહેલાં 15,499 રૂપિયા હતી, પછી તે 16,499 રૂપિયા થઈ ગઈ. 4GB અને 128GB મોડલ 17,499થી વધીને 18,499 રૂપિયા થયો હતો. 6GB અને 128GB મોડલની કિંમત 19,499થી વધીને 20,499 રૂપિયા થઈ હતી. ત્યારબાદ પણ Realmeના ફોનની કિંમતોમાં ફેરફાર ચાલુ રહ્યો છે.
આ તસવીર શેર કરો
6/7
તેની પાછળનું સૌથી મોટું કારણ મેમરી ચિપની વધતી કિંમત માનવામાં આવે છે. સ્માર્ટફોનમાં વપરાતી મેમરીની કિંમત છેલ્લા અમુક સમયમાં ઝડપથી વધી છે. તેનું એક મોટું કારણ AIનો વધતો ઉપયોગ છે. AI માટે ડેટા સેન્ટર મોટા પ્રમાણમાં મેમરી અને સ્ટોરેજ ચિપ વાપરી રહ્યા છે. તેથી મોબાઈલ કંપનીઓ માટે આ ભાગોની કિંમત વધી રહી છે.
આ તસવીર શેર કરો
7/7
જેમાં Realme એકમાત્ર કંપની નથી જે ફોન મોંઘા કરી રહી છે. આ વર્ષે બીજી મોટી કંપનીઓએ પણ પોતાના સ્માર્ટફોનની કિંમતો વધારી છે. ભારતમાં Samsung, Nothing, Vivo અને બીજા બ્રાન્ડના ફોન પણ મોંઘા થયા છે. જે ફોનની કિંમત થોડા મહિના પહેલાં ઓછી હતી તે જ ફોન હવે વધુ પૈસામાં મળી રહ્યો છે. ખાસ કરીને 30થી 50 હજાર રૂપિયાના ફોન ખરીદનારા ગ્રાહકોને તેની અસર વધુ થઇ શકે છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
