ટેક્નોલોજી / હવે વગર ઇન્ટરનેટ પણ પેમેન્ટ નહીં અટકે! RBI લઇને આવ્યું જોરદાર ફીચર્સ

RBIએ હમણાજ ઓફલાઈન ડિઝીટલ રૂપિયો લોન્ચ કર્યું છે. હવે લોકો ઈન્ટરનેટ વગર કે પછી નેટવર્ક વગર પણ સરળતાથી પેમેન્ટ કરી શકશે. આ ભારતીય રૂપિયાનું ડિઝીટલ રૂપ છે. જેને તમે ડિઝીટલ વોલેટમાં કેશની જેમ સ્ટોર કરી શકો છો.

પેમેન્ટ કરવા માટે તમારે QR કોડ સ્કેન કરવો કે પછી ટેપ કરવાનો રહેશે. આવો જાણીયે કે UPIથી પણ ઝડપી આ ટેકનીક કેવી રીતે ઉપોયગ કરી શકાશે.

શું છે ડિઝીટલ રૂપિયો?

ડિઝીટલ રૂપિયો ભારતની સેન્ટ્ર લ બેન્ક ડિઝીટલ કરન્સી છે. જેને ભારતીય કરન્સીનું ડિઝીટલ રૂપ પણ કહેવામાં આવે છે. દેશમાં 15 બેન્ક આ ડિઝીટલ વોલેટને યુઝ કરવાની સુવિધા આપે છે. RBIની ટેગ લાઈન છે 'કેશ, લેકિન ડિઝીટલ'. તમે આ ડિઝીટલ કરન્સીને તમારા ડિઝીટલ વોલેટમાં એવી રીતે રાખી શકો છો જેવી રીતે તમે પર્સમાં પૈસા રાખો છો.

આ પણ વાંચોઃ તમે ડિજિટલ પેમેન્ટ કરતા હોય તો ખાસ વાંચજો, 1 ઓક્ટોબરથી બદલાશે આ નિયમો

ડિઝીટલ રૂપિયા ઓફલાઈનના ફીચર

આ ફીચર એવી જગ્યાએ કામ લાગે છે જ્યાં ઈન્ટરનેટ કનેક્ટિવીટી ન હોય કે પછી ઓછી હોય. આ નવું ફિચર NFC ટેકનોલોજી દ્વારા પેમેન્ટ કરે છે. જેના માટે મોબાઈલનું સિગ્નલ હોવું જરૂરી છે. પેમેન્ટ કરવા માટે તમારે વોલેટ ઓપન કર્યા પછી જેટલા રૂપિયા આપવાના હોય તેને સિલેક્ટ કરવાના રહેશે અને દુકાનદારના મશીન પર તમારા ફોનથી ટેપ કરવાનું રહેશે. જેનાથી ઈન્ટરનેટ વગર પણ પેમેન્ટ સરળતાથી થઈ જશે.

UPI અને ડિજિટલ રૂપિયે વચ્ચેનો તફાવત

UPI ફક્ત પેમેન્ટ કરવાની એક સિસ્ટમ છે જે બેંકમાં રાખેલા પૈસા ટ્રાન્સફર કરવામાં મદદ કરે છે. જ્યારે, ડિજિટલ રૂપિયો (e₹) કેશનો જ એક ડિજિટલ સ્વરૂપ છે. e₹થી પેમેન્ટ કરતી વખતે બેંક અકાઉન્ટની જરૂર નથી હોતી ડિજિટલ રૂપિયાના વૉલેટથી UPIના QR કોડને સરળતાથી સ્કેન કરીને પણ પેમેન્ટ કરી શકાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ