કાર્યવાહી / આટકોટમાં 6 વર્ષની બાળકી સાથે દુષ્કર્મ આચનાર ઝડપાયો, પ્રાઈવેટ પાર્ટમાં નાખ્યો હતો સળિયો

રાજકોટના જસદણ તાલુકાના આટકોટ ગામમાં એક નિર્ભયા જેવી ઘટના સામે આવી છે. જેમાં એક નરાધમે 6 વર્ષની માસૂમ બાળકી પર રેપ કરવાનો પ્રયાસ કર્યો હતો. જેમાં સફળ ન થતા તેને આ બાળકીના ગુપ્તાંગમાં લોખંડનો સળિયો ઘુસાડી દીધો હતો. પોલીસે હવે આરોપી રામ સિંહની ધરપકડ કરી લીધી છે.

આ ઘટનામાં બાળકી લોહીથી લથપથ મળી આવી હતી અને તેને ગંભીર હાલતમાં રાજકોટની એક હોસ્પિટલમાં દાખલ કરવામાં આવી હતી. આ માસુમ બાળકી હાલમાં સ્થિર હાલતમાં છે. જેમાં પોલીસે નજીકના ખેતરમાંથી મુખ્ય આરોપી 30 વર્ષીના રામ સિંહની ધરપકડ કરી હતી. રામ સિંહ આ વિસ્તારમાં ખેડૂત તરીકે કામ કરતો હતો.

આ બાળકી દાહોદના એક મજુર પરિવારની હતી અને ઘટના સમયે ખેતર પાસે રમી રહી હતી. આ કેસની ગંભીરતાને જોતા પોલીસે 10 ટીમો તૈનાત કરી હતી અને લગભગ 100 શંકાસ્પદોની ઇન્ક્વાયરી કર્યા બાદ આરોપી સુધી પહોંચી ગઈ હતી.

વધુ વાંચો : વડોદરાના ગામની સીમમાંથી યુવતીની લાશ મળતાં ચકચાર, ગળાને ભાગે ઈજાના નિશાન, હત્યાની આશંકા

પોલીસે રામ સિંહ નામના આ આરોપી વિરુદ્ધ POCSO એક્ટ અને બળાત્કાર સહિતની ગંભીર કલમો હેઠળ કેસ દાખલ કર્યો છે. આ ઘટનાને લઇ જનતામાં ભારે રોષ છે. જેમાં ગુનેગારને કડકમાં કડક સજા કરવાની માંગ ઉઠી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ