ફેરફાર / રાજૂ શ્રીવાસ્તવની તબિયતને લઈને સૌથી મોટી અપડેટ, દવાનો ડોઝ ઓછો કરવાની અસર દેખાઈ

• રાજુ શ્રીવાસ્તવની તબિયતમાં થયો સુધાર
• હેવી એન્ટીબાયોટિક ડોઝ ઘટાડી દેવામાં આવ્યાં
• રાજુ શ્રીવાસ્તવની લાંબી ઉંમર માટે પરિવારજનોએ આ શુભ કામ કર્યુ

રાજુ શ્રીવાસ્તવની તબિયતમાં થયો છે ફેરફાર 

પોતાની હસાવવાની કલાથી બધાને હાસ્યના રંગમાં રંગનારા રાજુ શ્રીવાસ્તવની તબિયત પહેલા કરતા સુધારી છે. રાજુ શ્રીવાસ્તવનુ બ્લડ પ્રેશર હવે થોડુ કંટ્રોલમાં આવ્યું છે. દિલ્હી એઈમ્સમાં છેલ્લાં ઘણા દિવસોથી દાખલ રાજુ શ્રીવાસ્તવની તબિયત હવે 11મા દિવસે કંટ્રોલમાં આવી છે. જો કે, ઓક્સિજનને હવે 20 ટકાથી વધારીને 50 ટકા કરી દીધો છે. 

રાજુ શ્રીવાસ્તવની લાંબી ઉંમર માટે આ શુભ કામ કરાયું

તો રાજુ શ્રીવાસ્તવનો આખો પરિવાર એઈમ્સમાં તેના સારા આરોગ્ય માટે પ્રાર્થના કરી રહ્યો છે. આ દરમ્યાન તેમના પીઆરઓ ગર્વિત નારંગે જણાવ્યું કે રાજુ શ્રીવાસ્તવની લાંબી ઉંમરની પ્રાર્થના કરી પત્ની શિખા, પુત્રી અંતરા, પુત્ર આયુષ્માન, નાના ભાઈ દીપૂ શ્રીવાસ્તવ, કાજુ શ્રીવાસ્તવ અને મોટાભાઈ સીપી શ્રીવાસ્તવ, પીપી શ્રીવાસ્તવ, રમન શ્રીવાસ્તવ તરફથી કાનપુુરમાં 51 લીમડાના છોડ લગાવવામાં આવ્યાં છે. આ શુભ કામ કાનપુર સ્થિત તેના પૈતૃક રહેઠાણની પાસે રોપવામાં આવ્યાં છે.

પત્ની શિખાને પણ રાજુ શ્રીવાસ્તવને મળવાની મંજૂરી નથી

બીજી તરફ ઈન્ફેક્શનના ડરથી હવે કોઈને પણ રાજુ શ્રીવાસ્તવ પાસે મળવાની મંજૂરી મળશે નહીં. કોમેડિયનના શરીરમાં સંક્રમણ ફેલાયા બાદ માત્ર પત્ની શિખાને ICUમાં જવાની મંજૂરી હતી. જેને હવે રોકી દેવામાં આવી છે. આ મામલે ડૉકટરો તરફથી કહેવામાં આવ્યું છે કે રાજુને હવે કોઈ પણ પ્રકારના ઈન્ફેક્શનથી દૂર રાખવો પડશે. એવામાં અહેવાલ મુજબ તેમની સારવાર માટે હાજર નર્સિગ સ્ટાફ ડ્યુટી દરમ્યાન ICUમાંથી બહાર પણ આવતા નથી.