ક્રાઈમ / રાજકોટમાં મિત્રતાનો કરૂણ અંત: ચા પીવાના બહાને બોલાવી 23 વર્ષીય યુવકની હ*ત્યાનો આક્ષેપ

રાજકોટ શહેરમાં હત્યાની વધુ એક ચોંકાવનારી ઘટના સામે આવી છે. રૂખડિયાપરા વિસ્તારમાં 23 વર્ષીય ઉમંગ જાખેલિયાની હત્યા થતાં વિસ્તારમાં ભારે ચકચાર મચી ગઈ છે. પ્રાથમિક માહિતી મુજબ, ઉમંગને તેના મિત્ર નાઝીરે ચા પીવાના બહાને બોલાવ્યો હતો, જ્યાં બંને વચ્ચે કોઈ કારણસર ઉગ્ર બોલાચાલી બાદ મારામારી થઈ હોવાનું સામે આવ્યું છે.

યુવકને સારવાર અર્થે હોસ્પિટલ ખસેડવામાં આવ્યો

પરિવારજનોએ આક્ષેપ કર્યો છે કે નાઝીરે ઉમંગ પર ઢોર માર માર્યો હતો. હુમલા બાદ ગંભીર રીતે ઘાયલ હાલતમાં ઉમંગને ઘટનાસ્થળે જ છોડી આરોપી નાઝીર ફરાર થઈ ગયો હોવાનો પણ આક્ષેપ કરવામાં આવ્યો છે. સ્થાનિક લોકોની મદદથી ઉમંગને તાત્કાલિક હોસ્પિટલમાં સારવાર માટે ખસેડવામાં આવ્યો હતો. જોકે, સારવાર દરમિયાન તેનું મોત નીપજતાં પરિવારમાં શોકની લાગણી છવાઈ ગઈ છે.

આ પણ વાંચોઃ આજે દક્ષિણ ગુજરાત, સૌરાષ્ટ્ર અને ઉત્તર ગુજરાત સહિત આ જીલ્લાઓમાં હળવાથી મધ્યમ વરસાદનું એલર્ટ, હવામાન વિભાગે કરી આગાહી

ઘટનાની જાણ થતા પોલીસ કાફલો સ્થળ પર પહોંચ્યો

ઘટનાની જાણ થતાં પોલીસનો કાફલો સ્થળ પર પહોંચ્યો હતો અને સમગ્ર મામલે તપાસ હાથ ધરી છે. પોલીસે મૃતદેહને પોસ્ટમોર્ટમ માટે મોકલી આપ્યો છે તેમજ આરોપીની શોધખોળ શરૂ કરી છે. હત્યા પાછળનું ચોક્કસ કારણ શું હતું તે અંગે પોલીસ વિવિધ દિશામાં તપાસ કરી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ