પરિણામ / Rajkot Municipal Corporation Result : CM રૂપાણીના ગઢમાં કોંગ્રેસનો સફાયો, બુધવારે રાજકોટમાં સભા સંબોધશે CM

• ગુજરાતની 6 મનપાની ચૂંટણીના પરિણામો
• રાજકોટના 18 વોર્ડની 72 બેઠકો માટે મતગણતરી
• રાજકોટમાં 50.75 ટકા મતદાન થયું

મુખ્યમંત્રી વિજય રૂપાણીની બુધવારે રાજકોટમાં સભા

રાજકોટમાં ભાજપની જીત બાદ આવતીકાલે (બુધવાર) મુખ્યમંત્રી વિજય રૂપાણી સભા કરશે. ભાજપના જીતેલા ઉમેદવારોના અભિવાદન સમારોહ યોજાશે. રાજકોટના બહુમાળી ભવન ખાતે સાંજે 5.30 કલાકે સભા સંબોધશે. મુખ્યમંત્રીના પત્ની અંજલીબેન રૂપાણી પણ હાજર રહેશે. રાજકોટના મતદારોનો પણ મુખ્યમંત્રી રૂપાણી આભાર માનશે. મહત્વનું છે કે, રાજકોટમાં 72 બેઠકોમાંથી 68 બેઠકો પર ભાજપ અને 4 બેઠકો પર કોંગ્રેસની જીત થઇ છે. 

કોંગ્રેસે પોતાની હાર સ્વીકારી

મુખ્યમંત્રી વિજય રૂપાણીના ગઢમાં ભાજપની જીત નિશ્ચિત થઈ છે. ત્યારે કોંગ્રેસે પણ પોતાની હાર સ્વીકારી છે. જેની સાથે કોંગ્રેસ શહેર પ્રમુખ અશોક ડાંગરે પોતાના પદ પરથી રાજીનામું ધરી દીધુ છે. સાથે અશોક ડાંગરે કહ્યું કે, પ્રજાએ ચૂકાદો આપ્યો છે, તે સરમાન્ય છે. ચૂંટણીમાં તંત્રએ ભાજપની સાથે મળીને કામ કર્યું.

કોંગ્રેસે 3 વાગ્યા પછી ખોલ્યું ખાતું

રાજકોટ મનપામાં ફરી ભાજપ સત્તા પર આવી ચૂકી છે. રાજકોટના તમામ 18 વોર્ડના પરિણામ જાહેર થઈ ચૂક્યા છે. જેમાં 18 વોર્ડની પેનલના તમામ ઉમેદવારોની જીત થઈ છે. ભાજપે 68 અને કોંગ્રેસને 4 બેઠક મેળવી છે. એક માત્ર વોર્ડ નં 15માં કોંગ્રેસની પેનલની જીત થઈ છે. રાજકોટમાં AAPનો જાદુ ચાલ્યો નથી. જો કે, સુરતમાં AAPએ પોતાનો પગ જમાવ્યો છે. 

જાણો કોણ કઇ બેઠક પરથી જીત્યું?

રાજકોટમાં સરેરાશ 50.75 ટકા મતદાન થયું હતું

સરેરાશ આંકડા મુજબ રાજકોટમાં 50.75 ટકા મતદાન થયું હતું. 5,55,159 લોકોએ મતાધિકારનો ઉપયોગ કર્યો છે. આ વખતે નવા વિસ્તારનો સમાવેશ થતા કુલ મતદારોમાં 2 લાખનો ઉમેરો થયો હતો. જેની અસર મતદાનમાં પણ જોવા મળી હતી. ગત વખતના 447206 મતદાર કરતા 107953 લોકો મતબૂથ સુધી પહોંચ્યા છે.