ન્યૂઝ અપડેટ્સ
VTV / ગુજરાત / રાજકોટના સમાચાર / રાજકોટમાં દારૂબંધીના લીરેલીરા, ખાનગી થિયેટરમાં દારૂની મહેફિલનો વીડિયો થયો વાયરલ
Last Updated: 08:57 PM, 18 November 2026
ADVERTISEMENT
રાજકોટમાં દારૂબંધીના કાયદાના અમલ સામે ફરી સવાલો ઊભા થયા છે. નાણાવટી ચોક પાસે આવેલા વિઝન 20-20 કોમ્પ્લેક્સમાં EVENT FLIX નામના ખાનગી થિયેટરમાં દારૂની મહેફિલ યોજાઈ હોવાનો વીડિયો સોશિયલ મીડિયા પર વાયરલ થયો છે.
ADVERTISEMENT

બર્થડે અને એનિવર્સરી સેલિબ્રેશનના પેકેજની આડમાં દારૂ સાથે પાર્ટી
ADVERTISEMENT
બર્થડે અને એનિવર્સરી સેલિબ્રેશનના પેકેજની આડમાં દારૂ સાથે પાર્ટી યોજાતી હોવાના આક્ષેપો સામે આવ્યા છે. સોશિયલ મીડિયા પર સેલિબ્રેશનની જાહેરાત અને દારૂની બોટલો દેખાતો વીડિયો ચર્ચાનો વિષય બન્યો છે. સવાલ એ છે કે, આ પાર્ટીમાં દારૂ પીરસવા માટે કોઈ કાયદેસર પરમિટ લેવામાં આવી હતી કે પછી દારૂબંધીના કાયદાનો ભંગ કરીને ગેરકાયદે દારૂની મહેફિલ યોજાઈ હતી?
રાજકોટમાં થિયેટરમાં દારૂની મહેફિલનો વીડિયો વાઇરલ, બર્થડે-એનિવર્સરી પેકેજની આડમાં દારૂ સાથે સેલિબ્રેશનના આક્ષેપ, સોશિયલ મીડિયા પર જાહેરાત અને દારૂની બોટલો દેખાતો વાઇરલ વીડિયો બન્યો ચર્ચાનો વિષય! #Rajkot #ViralVideo #LiquorParty #Theatre #Prohibition #VTVDigital https://t.co/sklLnQIdIY
— VTV Gujarati News and Beyond (@VtvGujarati) November 18, 2026
ADVERTISEMENT
ખાનગી થિયેટરમાં યોજાયેલ દારૂ પાર્ટીનો વીડિયો વાયરલ
રાજકોટમાં અગાઉ સારાજા હોટેલનો દારૂ પાર્ટી મામલો ચર્ચામાં આવ્યો હતો. ત્યારે હવે ખાનગી થિયેટરમાં વાયરલ થયેલા આ વીડિયો બાદ ફરી પોલીસ અને તંત્રની કામગીરી સામે સવાલો ઊભા થયા છે. વીડિયો વાયરલ થયા બાદ VTV ન્યૂઝની ટીમ EVENT FLIX થિયેટર ખાતે પહોંચતા સંચાલકો સ્થળ બંધ કરી જતા રહ્યા હોવાનો દાવો છે. બીજી તરફ સમગ્ર મામલે EVENT FLIX મેનેજમેન્ટ દ્વારા સોશિયલ મીડિયા પર સત્તાવાર ખુલાસો કરવામાં આવ્યો છે.
ADVERTISEMENT

આ પણ વાંચોઃ વિશ્વામિત્રી રિવાઇવલ કે ભ્રષ્ટાચારનો ખેલ? અઢી વર્ષ બાદ પણ અનેક કામ અધૂરાં
ADVERTISEMENT
મેનેજમેન્ટે જણાવ્યું છે કે, આ પ્રકારની પાર્ટીને કંપની દ્વારા કોઈ મંજૂરી આપવામાં આવી નહોતી અને આ પ્રવૃત્તિ મેનેજમેન્ટની મંજૂરી વગર કરવામાં આવી હતી... સાથે જ સંબંધિત વ્યક્તિઓને નોકરીમાંથી છૂટા કરવામાં આવ્યા હોવાનો પણ ખુલાસો કરાયો છે...પરંતુ હવે સવાલ એ છે કે, જો મેનેજમેન્ટની મંજૂરી વગર દારૂની પાર્ટી યોજાઈ હતી તો જવાબદાર વ્યક્તિઓ સામે કાયદેસરની કાર્યવાહી થશે ખરી?વીડિયો વાયરલ થયા બાદ પોલીસ તપાસ કરશે?રાજકોટમાં દારૂબંધીના કાયદાનો અમલ માત્ર કાગળ પર જ છે કે ખરેખર કડક કાર્યવાહી થશે? તે જોવું રહ્યું.
સંકળાયેલા મુદ્દાઓ
Vishal Khamar is Senior Sub-Editor at VTV Gujarati with 15+ years of digital journalism experience. He covers crime and civic issues.