વરસાદી માહોલ / અમદાવાદના પશ્ચિમ વિસ્તારમાં મેઘરાજાની એન્ટ્રી, પવન સાથે વરસતા વરસાદથી વાતાવરણમાં ઠંડક પ્રસરી

અમદાવાદ શહેરના પશ્ચિમ વિસ્તારમાં બુધવારે સાંજે અચાનક વાતાવરણમાં પલટો આવ્યો હતો. બોડકદેવ, પ્રહલાદનગર, જજિસ બંગલો અને એસજી હાઈવે સહિતના વિસ્તારોમાં પવન સાથે વરસાદ શરૂ થતાં લોકોને ગરમી અને ઉકળાટમાંથી રાહત મળી હતી.

સિંધુભવન,SG હાઈવે વિસ્તારમાં વરસાદ

સિંધુભવન રોડ અને આસપાસના વિસ્તારોમાં પણ મધ્યમથી ધીમો વરસાદ નોંધાયો હતો. ઉપરાંત વસ્ત્રાપુર અને સેટેલાઈટ વિસ્તારમાં પણ વરસાદ વરસતાં રસ્તાઓ ભીના બન્યા હતા અને વાતાવરણમાં ઠંડક પ્રસરી ગઈ હતી.

લોકોને ગરમી-બફારામાંથી મળી રાહત

છેલ્લા કેટલાક દિવસોથી ભારે ગરમી અને ઉકળાટનો સામનો કરી રહેલા શહેરવાસીઓ માટે આ વરસાદ રાહતરૂપ સાબિત થયો છે. વરસાદી માહોલના કારણે તાપમાનમાં ઘટાડો નોંધાયો હતો અને લોકોમાં ખુશીનો માહોલ જોવા મળ્યો હતો.

આ પણ વાંચોઃ પંચમહાલના પાવાગઢમાં વરસાદી માહોલ વચ્ચે ભક્તિમય વાતાવરણ, પગથિયાં પર વહેતા ઝરણાં સમા દૃશ્યો

હળવાથી મધ્યમ વરસાદની શક્યતા

હવામાનમાં આવેલા આ અચાનક ફેરફારથી શહેરના પશ્ચિમ વિસ્તારમાં ચોમાસાની અસર વધુ સ્પષ્ટ બનતી જોવા મળી રહી છે. આગામી કલાકોમાં પણ કેટલાક વિસ્તારોમાં હળવાથી મધ્યમ વરસાદની શક્યતા વ્યક્ત કરવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ