અમદાવાદ / સાંજે ખાબક્યો ધોધમાર વરસાદ, સેટેલાઈટ-વસ્ત્રાપુર-એસજી હાઈવે સહિત ઘણા વિસ્તારોમાં વરસાદ

અમદાવાદ શહેરમાં લાંબા વિરામ બાદ મેઘરાજાએ ફરી ધમાકેદાર એન્ટ્રી કરતાં શહેરમાં વરસાદી માહોલ જામ્યો હતો. શહેરના અનેક વિસ્તારોમાં ધોધમાર વરસાદ વરસતા દિવસભરની ઉકળાટ અને ગરમીમાંથી શહેરવાસીઓને રાહત મળી હતી.

શહેરના સેટેલાઇટ, વસ્ત્રાપુર, એસજી હાઇવે સહિતના અનેક વિસ્તારોમાં ભારે વરસાદ નોંધાયો હતો. વરસાદ શરૂ થતાં રસ્તાઓ પર પાણી ફરી વળ્યા હતા અને વાહનચાલકોને ધીમી ગતિએ વાહન ચલાવવાની ફરજ પડી હતી. ઓફિસ સમય દરમિયાન વરસાદ શરૂ થતાં અનેક સ્થળોએ ટ્રાફિકની સમસ્યા પણ સર્જાઈ હતી.

લાંબા સમયથી વરસાદની રાહ જોઈ રહેલા અમદાવાદીઓને મેઘરાજાની આ એન્ટ્રીએ ખુશીનો માહોલ આપ્યો છે. વરસાદના કારણે વાતાવરણમાં ઠંડક પ્રસરી ગઈ હતી અને તાપમાનમાં પણ નોંધપાત્ર ઘટાડો જોવા મળ્યો હતો.

આ પણ વાંચો- ગુજરાત પર મંડરાઈ મોટી આફત: 5 શક્તિશાળી સિસ્ટમ એકસાથે સક્રિય થતાં 8 જુલાઈ સુધી આભ ફાટવાની આશંકા

હવામાન વિભાગે આગામી દિવસોમાં પણ અમદાવાદ સહિત રાજ્યના અનેક વિસ્તારોમાં ગાજવીજ સાથે વરસાદની શક્યતા વ્યક્ત કરી છે. તેથી આગામી દિવસોમાં પણ શહેરમાં વરસાદી માહોલ યથાવત રહે તેવી સંભાવના છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ