Heart Attack News: ગુજરાતમાં હાર્ટ એટેકથી મોતની સંખ્યા સતત વધી રહી છે. આ દરમિયાન સુરતમાં 58 વર્ષીય RAF જવાનનું હાર્ટ એટેકને કારણે મોત થયું છે.
Share
સુરતમાં RAF જવાનનું હાર્ટ એટેકથી નિધન
પેટ્રોલિંગ સમયે જ રસ્તા પર ઢળી પડ્યા RAF જવાન
સ્મીમેર હોસ્પિટલ લઈ જવાતા મૃત જાહેર કરાયા
Surat News: ગુજરાતમાં છેલ્લા ઘણાં સમયથી યુવાનોમાં હાર્ટ એટેકનું પ્રમાણ વધ્યું છે. ગુજરાતમાં યુવકો ક્રિકેટ રમતા અથવા રોજિંદુ કામ કરતા કરતા હાર્ટ એટેકથી મૃત્યુ પામતા હોય એવી ઘટના સામે આવી રહી છે. ત્યારે રાજ્યમાં વધુ એકનું હાર્ટ એટેકથી મૃત્યુ થયું છે. સુરત શહેરમાં RAF જવાનનું હાર્ટ એટેકથી નિધન થતાં પરિવારમાં શોકનો માહોલ છવાયો છે.
ફરજ દરમિયાન અચાનક ઢળી પડ્યા
વાત જાણે એમ છે કે મૂળ ઉત્તર પ્રદેશના રહેવાસી અને હાલ સુરતમાં સબ ઈન્સ્પેક્ટર તરીકે ફરજ બજાવતા ધરમપાલ (ઉં.વ 58) લિંબાયત વિસ્તારમાં પેટ્રોલિંગમાં હતા. આ દરમિયાન અચાનક જ તેઓ રસ્તા પર ઢળી પડ્યા હતા. જે બાદ તેઓેને સારવાર અર્થે સ્મીમેર હોસ્પિટલ ખાતે લઈ જવાયા હતા, જ્યાં તબીબ દ્વારા તેઓને મૃત જાહેર કરવામાં આવ્યા હતા. તબીબે તેમના મૃત્યુ પાછળનું કારણ હાર્ટ એટક જણાવ્યું હતું. RAF જવાનના મૃત્યુના દુઃખદ સમાચાર તેમના પરિવારજનોને આપવામાં આવતા પરિવારમાં માતમ છવાયો છે. તેમને મૃતદેહને ઉત્તરપ્રદેશ તેમના વતનમાં મોકલવામાં આવ્યો છે.
ગઈકાલે રાજકોટમાં થયું હતું હોર્ટ એટેકથી મોત
આપને જણાવી દઈએ કે ગઈકાલે રાજકોટમાં 60 વર્ષીય રાજેન્દ્રભાઈ કાંતિલાલ ઠાકરનું હૃદયરોગનાં જીવલેણ એટેકથી મોત થયું હતું. રાજેન્દ્રભાઈને સ્વિમિંગ કર્યા બાદ તેમણે છાતીમાં દુ:ખાવો ઉપડ્યો હતો. જે બાદ તેઓને એમ્બ્યુલન્સમાં મારફત હોસ્પિટલમાં સારવારમાં ખસેડાયા હતા. જ્યાં ટૂંકી સારવારમાં જ તેમણે અંતિમ શ્વાસ લીધા હતા.
મૃતક રાજેન્દ્રભાઈ કાંતિલાલ ઠાકર
રાજકોટ મનપાના આસિસ્ટન્ટ ટાઉન પ્લાનરનું થયું હતું મૃત્યુ
અઠવાડિયા અગાઉ રાજકોટ મહાનગર પાલિકામાં આસિસ્ટન્ટ ટાઉન પ્લાનર તરીકે ફરજ બજાવતા વી.વી પટેલને હાર્ટે એટેક આવતા તેઓનો હોસ્પિટલ ખાતે ખસેડાયા હતા. જ્યાં ફરજ પર હાજર તબીબોએ તેમને મૃત જાહેર કર્યા હતા. એવું કહેવામાં આવી રહ્યું છે કે, મનપાના આસિસ્ટન્ટ ટાઉન પ્લાનર વી.વી પટેલનીએક સપ્તાહ પહેલા જ બદલી થઈ હતી. તેમના નિધનથી પરિવારમાં શોકનું મોજુ ફરી વળ્યું હતું.
મૃતક વી.વી પટેલ
વડોદરામાં પણ વિદ્યાર્થીને આવ્યો હતો હાર્ટ એટેક
આજ દિવસે વડોદરાની MS યુનિવર્સિટીની સાયન્સ ફેકલ્ટીમાં અભ્યાસ કરતા વિદ્યાર્થીનું હાર્ટ એટેકથી મૃત્યુ થયું હતું. મળતી માહિતી અનુસાર, MSUના સાયન્સ ફેકલ્ટીમાં ઝુઓલોજીમાં અભ્યાસ કરતો દીપ ચૌધરી નામનો વિદ્યાર્થી બોઇસ હોસ્ટેલમાં મિત્રો સાતે વાત કરતાં-કરતાં અચાનક ઢળી પડ્યો હતો. જે બાદ હોસ્ટેલમાં મિત્રો તેને સયાજી હોસ્પિટલમાં લઈ ગયા હતા. જ્યાં તબીબે દીપ ચૌધરીને મૃત જાહેર કર્યો હતો અને ડોક્ટરે તેના મૃત્યુ પાછળનું કારણ હાર્ટ એટેક જણાવ્યું હતું.
