દવાનો ખર્ચ વધ્યો / પાન-તમાકૂ જેવા નશીલા પદાર્થો પર વધ્યો લોકોનો ખર્ચો, શિક્ષણ પર વપરાતાં પૈસામાં ઘટાડો: સર્વેમાં ચોંકાવનારા પરિણામ

પાન, તમાકુ અને અન્ય માદક દ્રવ્યો પરનો ખર્ચ છેલ્લા 10 વર્ષમાં વધ્યો છે અને લોકો તેમની આવકનો મોટો હિસ્સો આવા ઉત્પાદનો પર ખર્ચી રહ્યા છે. સરકારી સર્વેમાં આ વાત કહેવામાં આવી છે. ગયા અઠવાડિયે બહાર પાડવામાં આવેલ ઘરગથ્થુ વપરાશ ખર્ચ સર્વે 2022-23 દર્શાવે છે કે ગ્રામીણ અને શહેરી બંને વિસ્તારોમાં કુલ ઘર ખર્ચના હિસ્સા તરીકે પાન, તમાકુ અને નશા પરનો ખર્ચ વધ્યો છે. ડેટા અનુસાર ગ્રામીણ વિસ્તારોમાં આ વસ્તુઓ પરનો ખર્ચ 2011-12માં 3.21 ટકાથી વધીને 2022-23માં 3.79 ટકા થયો છે.

શિક્ષણ ખર્ચમાં ઘટાડો

તેવી જ રીતે શહેરી વિસ્તારોમાં ખર્ચ 2011-12માં 1.61 ટકાથી વધીને 2022-23માં 2.43 ટકા થયો હતો. શહેરી વિસ્તારોમાં શિક્ષણ પરના ખર્ચનું પ્રમાણ 2011-12માં 6.90 ટકાથી ઘટીને 2022-23માં 5.78 ટકા થયું હતું. ગ્રામીણ વિસ્તારોમાં આ ગુણોત્તર 2011-12માં 3.49 ટકાથી ઘટીને 2022-23માં 3.30 ટકા થયો હતો.

વધુ વાંચો : કારનો ઇન્શ્યોરન્સ ક્લેમ કરવામાં આવી રહી છે મુશ્કેલી? તો ફૉલો કરો આ ટિપ્સ, નહીં થાય રિજેક્ટ

પ્રોસેસ્ડ ફૂડ પર ખર્ચમાં વધારો

સર્વેમાં એમ પણ કહેવામાં આવ્યું છે કે શહેરી વિસ્તારોમાં પીણાં અને પ્રોસેસ્ડ ફૂડ પરનો ખર્ચ 2011-12માં 8.98 ટકાથી વધીને 2022-23માં 10.64 ટકા થયો છે. ગ્રામીણ વિસ્તારોમાં આ આંકડો 2011-12માં 7.90 ટકાથી વધીને 2022-23માં 9.62 ટકા થયો છે. આંકડા અને કાર્યક્રમ અમલીકરણ મંત્રાલયના રાષ્ટ્રીય નમૂના સર્વેક્ષણ કાર્યાલય (NSSO) એ ઓગસ્ટ, 2022 થી જુલાઈ, 2023 દરમિયાન ઘરગથ્થુ વપરાશ ખર્ચ સર્વે (HCES) હાથ ધર્યો હતો. ઘરગથ્થુ વપરાશ ખર્ચ સંબંધિત આ સર્વેનો હેતુ દરેક પરિવારના માસિક માથાદીઠ વપરાશ ખર્ચ (MPEC) વિશે માહિતી મેળવવાનો છે. આ હેઠળ, ગ્રામીણ અને શહેરી વિસ્તારો, રાજ્યો અને કેન્દ્રશાસિત પ્રદેશો અને દેશના વિવિધ સામાજિક-આર્થિક જૂથો માટે વિવિધ વલણો શોધવામાં આવે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો