દુઃખદ / ગુજરાતમાં શહેર ભાજપ મંત્રીએ ઝેરી દવા ગટગટાવી જીવન ટૂંકાવ્યું? જાણો ક્યાં અને કેમ

જામનગર જિલ્લાના જામજોધપુરમાંથી દુઃખદ સમાચાર મળ્યા છે. શહેર ભાજપ મંત્રી તરીકે કાર્યરત પરેશ બકોરીએ ગતરોજ ઝેરી દવા ગટગટાવીને જીવન ટૂંકાવ્યું હોવાનું બહાર આવ્યું છે. આ ઘટનાએ સમગ્ર શહેર તથા રાજકીય વર્તુળોમાં શોકની લાગણી વ્યાપી ગઈ છે.

આપઘાતનું કારણ હજુ અકબંધ

મળતી માહિતી મુજબ પરેશ બકોરીએ કોઇક કારણસર માનસિક તણાવમાં આવી આપઘાતનું પગલું ભર્યું હોવાની પ્રાથમિક અટકળ છે. જોકે આપઘાત પાછળનું કારણ હજુ અકબંધ છે. ઘટનાની જાણ થતાં જ સ્થાનિક પોલીસ ઘટનાસ્થળે દોડી આવી હતી અને મૃતદેહને કબજામાં લઈ વધુ તપાસ શરૂ કરી છે.

પોલીસે ઘટનાને લઈને ઊંડાણપૂર્વક તપાસ હાથ ધરી

પોલીસે આ ઘટનાને લઈને ઊંડાણપૂર્વક તપાસ હાથ ધરી છે. પરેશ બકોરીએ આત્મહત્યાનો નિર્ણય શેના કારણે લીધો તેની સાચી હકીકત બહાર લાવવા માટે તેમના પરિવારજનો, નજીકના સાથીઓ તથા કાર્યકરો પાસેથી નિવેદન લેવામાં આવી રહ્યું છે.

આ પણ વાંચોઃ શાળામાં શિક્ષક દ્વારા વિદ્યાર્થીને માર માર્યાનો આક્ષેપ, મામલો પહોંચ્યો મેનેજમેન્ટમાં

પરેશ બકોરીના અચાનક અવસાનથી ભાજપ કાર્યકરો તથા સમુદાયજનોમાં ભારે શોક ફેલાયો છે. શહેરમાં શોકનું વાતાવરણ છવાઈ ગયું છે અને અનેક લોકોએ તેમના નિધન પર શોક વ્યક્ત કર્યો છે. ઘટનાની વધુ વિગતો પોલીસ તપાસ બાદ સ્પષ્ટ થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ