મોટી એક્શન / હજાર-બે હજાર નહીં પણ ચાર કરોડની ચલણી નોટો પકડી પાડી, પોલીસની પણ આંખો પહોળી થઈ ગઈ

• નાગપુર પોલીસની મોટી કાર્યવાહી
• વેપારીને ત્યાં દરોડા પાડ્યા
• 4 કરોડથી વધારે રૂપિયા મળી આવ્યા

મહારાષ્ટ્રના નાગપુરમાં પોલીસે એક ફ્લેટમાં દરોડા પાડીને ત્યાંથી 4 કરોડ 30 લાખ રૂપિયાની રોકડ રકમ જપ્ત કરી છે. આ મામલામાં પોલીસે 3 હવાલા વેપારીઓની ધરપકડ કરી છે. ડીસીપી ગજાનન રાજમાને આ કાર્યવાહીની જાણકારી આપી હતી. તેમણે જણાવ્યું હતું કે, પોલીસે આ દરોડા શુક્રવારે મોડી રાતે ગુપ્ત જાણકારી મળ્યા બાદ પાડ્યા હતા.

નોટો ગણવા મશીનો મગાવી

ડીસીપીએ આગળ જણાવ્યું હતું કે, રકમ એટલી વધારે હતી કે, તેને ગણવા માટે મશીન મગાવા પડ્યા હતા. પોલીસે આ મામલે હવાલા વેપારી નેહલ બડાલિયા, વિલાસભાઈ પચ્ચીકર અને શિવકુમાર દિવાનીવાલ વિરુદ્ધ મામલો નોંધાવીને તેમની ધરપકડ કરાવી લીધી હતી.

3 વેપારીની ધરપકડ

હાલમાં એટલી મોટી રકમ જપ્ત થયા બાદ હવે આ ત્રણેય સાથે પૂછપરછ થઈ રહી છે. પોલીસે આ મામલે ત્રણ આરોપીઓ સાથે પૂછપરછ કરી રહી છે કે, તેમની પાસે આટલી મોટી રકમ ક્યાંથી આવી  ?