કાર્યવાહી / થર્ટીફસ્ટ પહેલા ગુજરાતભરમાં પોલીસ હાઈઍલર્ટ: અમદાવાદ-વલસાડ સહિત જુઓ ક્યાં-ક્યાં દારૂ ઝડપાયો

• વલસાડ જિલ્લા પોલીસ 31 ડિસેમ્બેરને લઇ સતર્ક 
• અમદાવાદમાં PCBની ટીમે વસ્ત્રાપુરમાં પાડ્યા દરોડા
• લુણાવાડાની કોલેજમાં દારૂની મહેફિલ યોજાઈ

ગુજરાતમાં દારૂબંધી હોવા છતા અનેક વાર દારૂની રેમલછેલ જોવા મળે છે આવતી કાલે 31 ડિસેમ્બર અને નવા વર્ષની ઉજવણી પહેલા બૂટલેગરો સક્રિયા થયા છે 31 ડિસેમ્બને યાદગાર બનાવવા ડીજેના તાલે ઝૂમી તેમજ દારૂની રેમલછેલ કરતા લોકોને લઈને પોલીસ પહેલાથી જ અલર્ટ બની ગઈ છે તો બીજી તરફ ગુજરાતમાં દારુ ઘૂસાડવા માટે પણ બૂટલેગરો પણ અવનવી તરકીબો અજમાવતા જોવા મળે છે ત્યારે પોલીસ એક્શન મોડમાં છે.

વલસાડ જિલ્લા પોલીસ 31 ડિસેમ્બેરને લઇ સતર્ક 
વલસાડ જિલ્લા પોલીસ 31 ડિસેમ્બેરને લઇ સતર્ક થઈ ગઈ છે. થર્ટી ફસ્ટ અને નવા વર્ષને લઈ પોલીસ એલર્ટ મોડમાં જોવા મળી રહી છે. રૂરલ પોલીસે બુટલેગરોની 3 લક્ઝરી કારમાંથી 300 બોટલ વિદેશી દારૂ ઝડપી પાડ્યો છે. 6 લાખનો જેટલો મુદ્દામાલ વલસાડ રૂરલ પોલીસે જપ્ત કરી વધુ કાર્યવાહી હાથ ધરી છે.

અમદાવાદમાં PCBની ટીમે વસ્ત્રાપુરમાં પાડ્યા દરોડા
અમદાવાદમાં PCBની ટીમે વસ્ત્રાપુરમાં દરોડા પાડ્યા છે. દારૂના જથ્થા સાથે ફ્લેટમાંથી 3 શખ્સને ઝડપી પાડ્યા છે. મુખ્ય આરોપી નિખિલના ઘરમાંથી દારૂનો જથ્થો ઝડપી લેવામાં આવ્યો છે. દારૂ ઉપરાંત કારતૂસ પણ કબજે કરી લેવામાં આવ્યા છે. સચિન, ભલારામ અને નિખિલ નામના આરોપીની ધરપકડ કરવામાં આવી છે તમને જણાવી દઈએ કે, નિખિલ દિક્ષિતની અગાઉ હત્યા કેસમાં પણ સંડોવણી છે. 

લુણાવાડાની કોલેજમાં દારૂની મહેફિલ યોજાઈ
લુણાવાડાની કોલેજમાં દારૂની મહેફિલ યોજાઈ છે. પી.એન.પંડ્યા કોલેજના ગ્રાઉન્ડમાં રાત્રી દરમિયાન યોજાયેલી મહેફિલનો વીડિયો વાયરલ થયો છે. કોલેજના ગ્રાઉન્ડમાં ટેકાના ભાવે ડાંગરની ખરીદીનું સેન્ટર છે. ગાંધીનગર અને હિંમતનગરથી કર્મચારીઓ કોલેજ ગ્રાઉન્ડમાં ડાંગર તોલવા આવ્યા હતા. દારૂ અને બિયર હાથમાં રાખીને ફરતાનો વીડિયો વાયરલ થયો છે. કર્મચારીઓ ગાડીના બોનેટ પર નશો કરતા પણ જોવા મળ્યા છે.

નડિયાદમાં સ્ટેટ વિજિલન્સની ટીમે દારૂ કબજે કર્યો
નડિયાદ તાલુકાના આખડોલ ગામમાંથી વિદેશી દારૂ ઝડપાયો છે. 31મી ડિસેમ્બરની ઉજવણી પહેલા મોટી માત્રામાં દારૂ ઝડપાયો છે. ગાંધીનગર સ્ટેટ વિજિલન્સની ટીમે દારૂ કબજે કર્યો છે. દારૂ સાથે પોલીસે એક શખ્સની પણ ધરપકડ કરી છે. 17 લાખનો મુદ્દામાલ અને દારૂ કબજે કર્યો છે. કુલ 6 વ્યક્તિ સામે ગુનો નોંધાયો છે.

ગીર સોમનાથમાં પોલીસનું સઘન ચેકિંગ
થર્ટી ફસ્ટની ઉજવણી લઈને રાજ્યના સહેલાણીઓ દીવ ખાતે જતા હોય છે ત્યારે પોલીસ પણ સઘન થઈ છે. દીવમાં જતા સહેલાણીઓ થર્ટી ફસ્ટને ઉજવણીમાં દારૂની પાર્ટી પણ કરતા હોય છે ત્યારે ડ્રીન્ક એન્ડ ડ્રાઈવના પણ ઘણા કિસ્સા બનતા હોય છે. જેને રોકવા માટે ગીર સોમનાથ પોલીસે  દીવ અને ઉનાને જોડતા માંડવી ચેક પોસ્ટ પર ચેકિંગ હાથ ધર્યુ છે