પર્વ / 'પાસથી વધુ લોકોને પ્રવેશ નહીં, ડ્રોનથી ખેલૈયા પર નજર, અમદાવાદમાં નવરાત્રિને લઈ આયોજકો સાથે પોલીસની બેઠક

નવરાત્રિ નજીકમાં છે ત્યારે અમદાવાદ ગ્રામ પોલીસ પણ સક્રિય થઈ છે અને આજે ગરબા આયોજકોની એક મોટી બેઠક બોલાવી હતી જેમાં આયોજકોને સ્પસ્ટ કહેવામાં આવ્યું કે નવરાત્રી દરમિયાન પોલીસની ગાઇડલાઇનનું પાલન કરવું ફરજિયાત છે. અમદાવાદ ગ્રામ્યમાં શેરી ગરબા સાથે મળીને 890 અરજી આવી છે. ગરબા આયોજકે 4 ગાઈડ લાઇન પાલન કરવું ફરજિયાત છે તેમજ પોલીસ ટીમ ગરબા સ્થળનું ચેકીંગ કરશે. આયોજકોને એવો પણ નિર્દેશ અપાયો છે કે પાસથી વધુ લોકોને પ્રવેશ નહીં આપવામાં આવે તેમજ ખેલૈયા પર ડ્રોનથી નજર રાખવામાં આવશે.

બજરંગ દળે નવરાત્રિ માટે કેટલીક શરતો મૂકી?

બજરંગ દળે નવરાત્રિ માટે કેટલીક શરતો મૂકી છે જેમાં તિલક કરનારને જ ગરબામાં એન્ટ્રી મળશે અને વિધર્મીઓને કોઈ પણ રીતે ગરબામાં એન્ટ્રી નહીં મળે. આયોજનમાં બાઉન્સર અને સાઉન્ડ સિસ્ટમ પણ હિન્દૂ હોવા જોઈએ. વિધર્મીઓ બહેન દીકરીઓને ફસાવે છે તેથી તેમની એન્ટ્રી પર પ્રતિબંધ મૂકવામાં આવ્યો છે.

વડોદરામાં ગરબા આયોજકોએ શું પગલું ભર્યું?

વડોદરામાં નવરાત્રિમાં અનિચ્છનીય બનાવ ન બને અને ગરબાની પવિત્રતા જળવાઈ રહે તે માટે આયોજકો દ્વારા કેટલાક પગલાં ભરવામાં આવ્યાં છે. અસામાજિક તત્વો કે વિધર્મીઓ ખોટી રીતે ઓળખ છુપાવીને કે ખોટા આશયથી ગરબા ગ્રાઉન્ડમાં પ્રવેશ ન કરી શકે અને ખેલૈયાઓની સુરક્ષા જળવાઈ રહે તે સુનિશ્ચિત કરવા માટે આ કડક આચારસંહિતા ઘડવામાં આવી છે.

વધુ વાંચો : સુરતના કોસંબામાં પોલીસે કબર ખોદીને કંકાલ બહાર કાઢ્યું, પતિ પત્નીએ હત્યા કરીને લાશ દફનાવી દીધી હતી

વિહિપ દ્વારા ગાઈડલાઈન જાહેર

નવરાત્રિ તહેવાર દરમિયાન ગરબા પંડાલોમાં બિન-હિન્દુઓના પ્રવેશને રોકવા અને લવ જેહાદની પ્રવૃત્તિઓ પર લગામ લગાવવા માટે વિશ્વ હિન્દુ પરિષદ (VHP) અને બજરંગ દળ દ્વારા ખાસ ગાઇડલાઇન જાહેર કરવામાં આવી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ