રંગમાં ભંગ / વઢવાણના મેળામાં ચકડોળમાંથી પટકાતાં પોલીસ કર્મચારીની પુત્રીનું મોત, ગોંડલના મેળામાં રાઈડ બંધ કરાઈ

સુરેન્દ્રનગરના વઢવાણ ખાતે યોજાયેલા લોકમેળામાં જન્માષ્ટમીના તહેવારો દરમિયાન એક અત્યંત દુઃખદ અને હૃદયદ્રાવક ઘટના સામે આવી છે.મેળામાં મનોરંજન માટે આવેલા એક પોલીસ કર્મચારીની પુત્રી ચકડોળમાંથી અચાનક નીચે પટકાતાં તેનું કરુણ મોત નીપજ્યું છે.આ ગંભીર અકસ્માતને પગલે સ્થાનિક વહીવટી તંત્ર અને પોલીસ વિભાગમાં ભારે દોડધામ મચી ગઈ છે.

ગોંડલમાં આઈકોનિક મેળામાં રાઈડ બંધ કરાઈ

ગોંડલમાં આઈકોનિક મેળામાં રાઈડ બંધ કરાઈ કરી દેવાઈ છે. બ્રેકડાન્સ રાઈડમાં ફોલ્ટ સર્જાતા અફરાતફરી મચી હતી. ચાલુ રાઈડ દરમિયાન અચાનક ખામી સર્જાઇ હતી. પોલીસની કાર્યવાહી બાદ મેળો બંધ કરાયો હતો.

વધુ વાંચો : જન્માષ્ટમીની રાતે ખૌફનાક બનાવ, મંદિર ગયેલી સગીરાનું અપહરણ કરીને સામૂહિક દુષ્કર્મ

રાજકોટમાં પણ કરુણ બનાવ

રાજકોટ જિલ્લાના પડધરી તાલુકાના દહીસરડા ગામે ચેકડેમમાં ચાર બાળકો ડૂબી જવાની દુખદ ઘટના સામે આવી છે. પડધરી પોલીસ સ્ટેશન વિસ્તારની આ ઘટનામાં સ્કૂલના બાળકો પાણીમાં ડૂબ્યા હોવાનું સામે આવ્યું છે. બનાવની જાણ થતાં જ સ્થાનિક લોકો અને પોલીસ દ્વારા બાળકોને શોધવાની કામગીરી શરૂ કરવામાં આવી હતી. ચેકડેમમાં ચાર બાળકો ડૂબ્યા હતા અને મોત થયા છે. ઘટનાને પગલે સમગ્ર વિસ્તારમાં દુખનો માહોલ છવાયો છે. એકસાથે ચાર બાળકો પાણીમાં ડૂબી જવાની ઘટના બાદ પરિવારજનોમાં પણ ભારે શોકની લાગણી જોવા મળી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ